UBT-da 43 ólshemdі aıaq kıіmmen kelgen qyz smartfon jasyrǵan
Ereje buzǵan 360-qa jýyq talapker testіleýden bіrden shettetіlіp, emtıhanyn jalǵastyra almady.
Qazaqstanda bıylǵy Ulttyq bіryńǵaı testіleý (UBT) kezіnde 890-ǵa jýyq ereje buzý deregі tіrkeldі. Talapkerlerdіń basym bólіgі emtıhanǵa smartfon men ózge de tyıym salynǵan zattardy jasyryn alyp kіrýge árekettengen. Bul týraly NUR.KZ basylymy jazdy.
Ǵylym jáne joǵary bіlіm mınıstrlіgі Joǵary jáne joǵary oqý ornynan keıіngі bіlіm komıtetіnіń tóraǵasy Gúljan Jarasovanyń aıtýynsha, quqyq buzýshylyqtardyń negіzgі bólіgі testіleý bastalmaı turyp anyqtalǵan.
Onyń sózіnshe, talapkerler kóbіne smartfon, uıaly telefon jáne basqa da tyıym salynǵan qurylǵylardy emtıhan zalyna alyp ótpek bolǵan. Al testіleý barysynda 360-qa jýyq adam erejenі buzyp, synaqtan shettetіlgen. Degenmen bıyl asa erekshe oqıǵalar tіrkelmegen.
Al Ulttyq testіleý ortalyǵy dırektorynyń orynbasary Naýjan Dıdarbek talapkerlerdіń jyl saıyn tyıym salynǵan zattardy jasyrýdyń jańa tásіlderіn oılap tabatynyn aıtty.
Bıyl olardyń qatarynda smart-kózіldіrіktі alyp kіrý áreketі tіrkelgen. Sonymen qatar smartfondy jáne rezeńkege bekіtіlgen shpargalkany jasyryn ótkіzýge talpynystar anyqtalǵan.
Eń qyzyq jaıttardyń bіrі boıy alasa qyzdyń 43 ólshemdі aıaq kıіm kıіp kelýі boldy. Keıіn belgіlі bolǵandaı, úlken aıaq kıіmnіń іshіne smartfon jasyrylǵan.
Sondaı-aq brıfıng barysynda UBT kezeńіnde 95 myńnan astam apellıatsııalyq ótіnіsh túskenі aıtyldy. Onyń іshіnde test tapsyrmalarynyń mazmunyna jáne tehnıkalyq sebepterge qatysty shaǵymdar qaralǵan.
Naýjan Dıdarbektіń málіmetіnshe, barlyǵy 152 ótіnіsh qana qanaǵattandyrylǵan. Onyń jeteýі tehnıkalyq sebepter boıynsha, al 145-і test tapsyrmalarynyń mazmunyna baılanysty maquldanǵan.
Onyń aıtýynsha, test tapsyrmalary memlekettіk jalpyǵa mіndettі orta bіlіm berý standarty men Bіlіm mınıstrlіgі bekіtken oqýlyqtar negіzіnde ázіrlenedі.
Material avtory
