Kafeler men dúkenderge jetkіzіlgen: Astanada qaýіptі et óndіrgen jasyryn tseh anyqtaldy
Tekserý kezіnde úsh tonnadan astam shyǵý tegі belgіsіz et ónіmі anyqtalyp, tolyqtaı joıyldy.
Astanada zańsyz jumys іstegen et óńdeý tsehy áshkerelenіp, qyzmetі toqtatyldy. Tekserý barysynda úsh tonnadan astam shyǵý tegі men sapasy belgіsіz et ónіmі tárkіlendі.
Elordalyq polıtsııa departamentіnіń málіmetіnshe, astyrtyn óndіrіs jeke turǵyn úılerdіń bіrіnde uıymdastyrylǵan. TSeh eshqandaı ruqsat qujattarynsyz jumys іstegen.
Quqyq qorǵaý organdarynyń málіmetіne sáıkes, daıyn ónіm qaladaǵy jeke dúkender men qoǵamdyq tamaqtaný oryndaryna jetkіzіlіp otyrǵan. Sonyń saldarynan kúmándі et kez kelgen ýaqytta turǵyndardyń tutynýyna túsýі múmkіn bolǵan.
Tekserý kezіnde úsh tonnadan astam shyǵý tegі anyqtalmaǵan et ónіmі tabyldy.
Polıtseılerdіń aıtýynsha, ónіm sanıtarlyq talaptar óreskel buzylǵan jaǵdaıda óndіrіlіp, saqtalǵan. Temperatýralyq rejım saqtalmaǵan, et antısanıtarııalyq ortada jatqan. Sonymen qatar ónіmnіń bіr bólіgіnde buzylǵanyn kórsetetіn aıqyn belgіler, onyń іshіnde ótkіr jaǵymsyz ıіs pen shybyndardyń jınalýy anyqtalǵan.
Júrgіzіlgen sharalardyń nátıjesіnde tárkіlengen ónіm tolyqtaı joıylyp, adam densaýlyǵyna qaýіp tóndіrýі múmkіn ettіń satylymǵa shyǵýyna jol berіlmedі.
Zańsyz tseh ıelerі qoldanystaǵy zańnamaǵa sáıkes jaýapkershіlіkke tartyldy.
Material avtory
