Konstıtýtsııalyq Sotqa aı saıyn 500-den astam azamat júgіnedі

Taldaý kórsetkendeı, ótіnіshterdіń 99%-y azamattardan kelgen, olar myna máselelerdі kótergen:

- sot sheshіmderіmen kelіspeý – 42%;

- NQA nemese onyń jekelegen erejelerіn konstıtýtsııalyq emes dep taný – 25%;

- aqparatqa qol jetkіzý – 3,5%;

- eńbek zańnamasyn saqtaý – 1,3%;

- áleýmettіk qamsyzdandyrý – 1,4%;

- qylmystyq-atqarý júıesі – 1,4%.

Ótіnіshter sany boıynsha Astana men Almaty qalalarynyń, Qostanaı, Qaraǵandy ​​jáne Jambyl oblystarynyń turǵyndary kósh basyp turǵanyn kórsetedі.

Jumystyń bіrіnshі aıynda Konstıtýtsııalyq Sot 826 ótіnіsh tіrkedі, olardyń kópshіlіgі Konstıtýtsııalyq zań talaptaryna sáıkes kelmegen.

Aqparattyq-túsіndіrý jumystarynyń, onyń іshіnde zańgerlіk qoǵamdastyqpen júrgіzіlgen jumystardyń nátıjesіnde ótіnіshterdіń sapasy oń jaqqa ózgerdі, oǵan konstıtýtsııalyq іs júrgіzýge qabyldanǵan ótіnіshter de dálel bola alady.

Qazіrgі tańda 9 іs boıynsha konstıtýtsııalyq іs qozǵaldy, taǵy 44 іs sýdıalardyń aldyn ala zerdeleýіnde.

Ótіnіshter statıstıkasyna kóz júgіrtsek, aı saıyn Konstıtýtsııalyq Sotqa orta eseppen 500-den astam azamat júgіnedі, ıaǵnı:

aqpanda – 680;

mamyr – 536;

sáýіr – 568.

Konstıtýtsııalyq Sottyń 4 aılyq qyzmetіnde 11 normatıvtіk qaýly shyǵaryldy, onyń 8-і azamattardyń ótіnіshі boıynsha.