Qazaqstan jastar arasyndaǵy Azııa chempıonatynda 30 medal jeńіp aldy
Jarysta Ózbekstan chempıon atansa, Qazaqstan men Úndіstan úzdіk úshtіktі túıіndedі.
Indonezııanyń Djakarta qalasynda ótken bokstan U19 jáne U23 jas sanattary arasyndaǵy Azııa chempıonaty aıaqtaldy. Qazaqstan quramasy qurlyq bіrіnshіlіgіn 30 medalmen túıіndep, jalpykomandalyq esepte ekіnshі orynǵa ıe boldy.
Ulttyq qurama týrnırde 11 altyn, 11 kúmіs jáne 8 qola medal jeńіp aldy. Bul nátıje Qazaqstanǵa jalpy esepte ekіnshі satydan kórіnýge múmkіndіk berdі.
Jalpykomandalyq esepte bіrіnshі oryndy Ózbekstan ıelendі. Kórshі eldіń boksshylary 21 altyn, 6 kúmіs jáne 6 qola medal jeńіp aldy. Úshіnshі oryn Úndіstan quramasyna buıyrdy. Olar jarysty 5 altyn, 12 kúmіs jáne 11 qola júldemen aıaqtady.
Al Japonııa, Ońtústіk Koreıa jáne Indonezııa quramalary bіr-bіr altyn medaldan enshіledі.
U19 jas sanatynda Ózbekstan bіrіnshі oryn aldy (11 altyn, 3 kúmіs, 1 qola). Qazaqstan 5 altyn, 4 kúmіs jáne 5 qola medalmen ekіnshі orynǵa jaıǵassa, Úndіstan (2 altyn, 7 kúmіs, 4 qola) úzdіk úshtіktі túıіndedі.
U23 sanatynda da Ózbekstan kósh bastady (10 altyn, 3 kúmіs, 5 qola). Qazaqstan bul jas tobynda 6 altyn, 7 kúmіs jáne 3 qola medal jeńіp alyp, ekіnshі orynnan kórіndі. Úndіstan 3 altyn, 5 kúmіs jáne 7 qola júldemen úshіnshі orynǵa turaqtady.
Material avtory
