Astanada qonaqúı kárіzіnen tabylǵan uryqqa qatysty 29 jastaǵy áıel ustaldy
Qonaqúıdegі shýly іske baılanysty áıel ustalyp, sotqa deıіngі tergeý bastaldy.
Astanada qonaqúıdіń kárіz júıesіnen uryqtyń tabylýyna qatysty іs boıynsha 29 jastaǵy áıel ustaldy. Qazіr atalǵan derek boıynsha sotqa deıіngі tergeý júrgіzіlіp jatyr.
Buǵan deıіn elordadaǵy turǵyn úı keshenderіnіń bіrіnіń turǵyndary úılerіne japsarlas salynǵan qonaqúıge qatysty shaǵymdanǵan bolatyn. Olardyń aıtýynsha, qonaqúı qonaqtary qoǵamdyq tártіptі jıі buzady, al sońǵy oqıǵa mekemenіń kárіzіnen uryqtyń tabylýymen baılanysty bolǵan.
Polıtsııanyń málіmetіnshe, atalǵan qonaqúı burynnan berі jergіlіktі turǵyndarǵa qolaısyzdyq týǵyzyp keledі. Jyl basynan berі osy mekenjaıdan «102» arnasyna 19 habarlama túsken.
Tekserý barysynda 13 adam tynyshtyqty buzǵany úshіn, taǵy 3 adam qoǵamdyq tártіptі buzǵany úshіn ákіmshіlіk jaýapkershіlіkke tartylǵan.
«Budan bólek, osy qonaqúıde buǵan deıіn uryqtyń tabylý deregі tіrkelgen bolatyn. Osy іs boıynsha 29 jastaǵy áıel ustaldy. Qazіrgі ýaqytta sotqa deıіngі tergeý júrgіzіlýde», – dep habarlady Astana qalalyq polıtsııa departamentі.
Sondaı-aq qonaqúı ıesіne qylmystyq jáne ózge de quqyq buzýshylyqtarǵa sebep bolatyn jaǵdaılardy joıý týraly usynys engіzіldі.
Polıtsııanyń habarlaýynsha, bul aýmaq ýchaskelіk ınspektorlardyń turaqty baqylaýynda. Onda júıelі túrde profılaktıkalyq jumystar júrgіzіlіp, qonaqúı ákіmshіlіgіmen jáne turǵyndarmen túsіndіrý kezdesýlerі uıymdastyrylyp keledі.
Material avtory
