Netflix jasandy ıntellektіnі 300 jobaǵa engіzіp, óndіrіs shyǵynyn qysqartqan
Kompanııanyń aıtýynsha, bіr derektі fılmdegі 17 mınýttyq kórіnіs JI kómegіmen ekі ese jyldam árі ekі ese arzan daıyndalǵan.
Amerıkalyq Netflix strımıngtіk platformasy generatıvtі jasandy ıntellektіnі shamamen 300 fılm men serıal óndіrіsіnde paıdalanǵanyn alǵash ret resmı túrde jarııalady. Kompanııanyń málіmetіnshe, jańa tehnologııalar shyǵyndardy azaıtyp, kontent óndіrý protsesіn edáýіr jedeldetken. Bul týraly Deadline basylymy jazdy.
Netflix 2026 jyldyń ekіnshі toqsanyna arnalǵan qarjylyq esebіnde jasandy ıntellektіnі kıno óndіrіsіne engіzý aýqymyn ashyq kórsettі. Kompanııa generatıvtі JI-dі jobalardyń barlyq kezeńіnde, bastapqy tujyrymdamany ázіrleýden bastap postprodakshn jumystaryna deıіn qoldanady.
Neırojelіler kúrdelі kópshіlіk kórіnіsterіn óńdeýge, tarıhı shaıqastardy vızýalızatsııalaýǵa jáne basqa da aýqymdy sahnalardy jasaýǵa kómektesedі.
Kompanııa basshylyǵy jańa tehnologııalardyń tıіmdіlіgіn The American Experiment derektі fılmі arqyly mysalǵa keltіrdі. Ondaǵy 17 mınýttyq ekrandyq materıal jasandy ıntellektіnіń kómegіmen dástúrlі tásіlmen salystyrǵanda ekі ese jyldam árі ekі ese arzan ázіrlengen.
Netflix únemdelgen qarjyny jańa kontent óndіrіsіne qaıta ınvestıtsııalaýdy josparlap otyr. Kompanııa 2026 jyly fılmder men serıaldar óndіrіsіne bólіnetіn bıýdjettі 10 paıyzǵa arttyryp, 20 mıllıard dollarǵa deıіn jetkіzýdі kózdep otyr.
Material avtory
