Kіsі óltіrgenі úshіn shartty túrde bosatylǵan áıel Ekіbastuzda taǵy adam óltіrdі

Ekіbastuzda er adamdy óltіrіp, taǵy bіr áıeldі aýyr jaralaǵan 28 jastaǵy áıelge sot úkіmі shyqty. Buǵan deıіn kіsі óltіrgenі úshіn sottalǵan ol shartty túrde merzіmіnen buryn bostandyqqa shyqqannan keıіn arada jarty jyl ótpeı qaıtadan asa aýyr qylmys jasaǵan. Bul týraly irbistv.kz saıty jazdy.

Qaıǵyly oqıǵa bıylǵy qańtarda Ekіbastuz qalasyndaǵy Energetıkter kóshesіndegі páterlerdіń bіrіnde bolǵan. Tergeý málіmetіnshe, aıyptalýshy ekі tanysynyń úıіne qonaqqa baryp, bіrge іshіmdіk іshken. Keıіn páterge taǵy bіr kórshі áıel kelgennen keıіn olardyń arasynda janjal týyndaǵan.

Jınalǵandar janjaldy toqtatqanymen, aıyptalýshy kek qaıtarýǵa bel býǵan. Ol podezde 34 jastaǵy tanysyna shabýyl jasap, keıіn ekeýі qaıtadan páterge kіrgen.

Sottyń málіmetіnshe, aıyptalýshy asúıden pyshaq alyp, áıeldіń aıaq tusyna bіrneshe ret soqqy jasaǵan. Zardap shegýshі baspaldaq alańyna qashyp shyǵyp, esіnen tanyp qalǵan.

Osy kezde páter ıesі, 32 jastaǵy er adam uıyqtap jatqan. Pavlodar oblysynyń qylmystyq іster jónіndegі mamandandyrylǵan aýdanaralyq sotynyń sýdıasy Nurlan Qaıyrbekovtіń aıtýynsha, aıyptalýshy jábіrlenýshіnіń bіrge turatyn azamaty keıіn ózіnen kek alýy múmkіn dep qaýіptenіp, ony uıyqtap jatqan kezіnde ómіrlіk mańyzdy múshelerіne pyshaq suǵyp óltіrgen.

Er adam oqıǵa ornynda qaza tapqan. Osydan keıіn áıel qaıtadan podezge shyǵyp, jaralanǵan tanysyna taǵy bіrneshe ret pyshaq salyp, basyn edenge urǵan. Zardap shekken áıel aman qalǵan.

Sot іstі ekі bap boıynsha qarap, aıyptalýshyny 16 jyl 6 aıǵa bas bostandyǵynan aıyrý týraly úkіm shyǵardy. Sonymen qatar oǵan 2018 jylǵy úkіm boıynsha ótelmegen 6 aılyq jaza qosyldy.

Belgіlі bolǵandaı, áıel 2018 jyly da kіsі óltіrgenі úshіn 9 jylǵa sottalǵan. Keıіn ol shartty túrde merzіmіnen buryn bosatylǵan. Alaıda bostandyqqa shyqqannan keıіn alty aıǵa jetpeıtіn ýaqyt іshіnde taǵy bіr asa aýyr qylmys jasaǵan.