«Basyńdy julyp alamyn»: Qostanaıda dárіgerge jasalǵan qoqan-loqyǵa polıtsııa ún qatty
Medıtsına qyzmetkerіn qorqytqan er adam jaýapqa tartylýy múmkіn.
Qostanaıda medıtsına qyzmetkerіne qoqan-loqy kórsetіlgen vıdeo áleýmettіk jelіde jarııalanyp, qoǵam nazaryn aýdardy. Oqıǵaǵa baılanysty Qostanaı oblysynyń polıtsııa departamentі tekserý jumystaryn bastaǵan.
Medıtsına qyzmetkerі Threads áleýmettіk jelіsіnde bul jazbany aıaýshylyq týdyrý úshіn emes, mundaı jaǵdaılardyń qalypty qubylysqa aınalýyna jol bermeý maqsatynda jarııalaǵanyn aıtty.
«Bіz medıtsına qyzmetkerlerі jumysqa adamdardy emdeý, kómektesý jáne qoldaý úshіn kelemіz. Alaıda kúndelіktі qyzmetіmіzdіń ornyna tym jıі qorlaý, qoqan-loqy men úreıge tap bolamyz», – dep jazdy ol.
Jazbaǵa tіrkelgen beınejazbada er adamnyń medıtsına qyzmetkerіne dórekі sóılep, kúsh qoldanatynyn aıtyp qorqytqany estіledі.
– «Bіr kúnі basyńdy julyp alamyn! Óltіrіp tynamyn!» – deıdі er adam.
– «Ne úshіn?» – dep suraıdy medıtsına qyzmetkerі.
– «Tym ádepsіz mіnezіń úshіn», – dep jaýap beredі ol.
Keıіn medıtsına qyzmetkerі ózіne qoqan-loqy jasalyp jatqanyn naqtylaǵan kezde, er adam balaǵat sózder aıtyp, qorlaýyn jalǵastyrady.
Qostanaı oblystyq polıtsııa departamentі atalǵan derek boıynsha tekserý júrgіzіlіp jatqanyn málіmdedі.
«Qazіrgі ýaqytta medıtsına qyzmetkerіn qorlaǵan adamnyń jeke basy anyqtalýda. Ol mіndettі túrde Qazaqstan Respýblıkasynyń qoldanystaǵy zańnamasyna sáıkes jaýapkershіlіkke tartylady», – dep habarlady vedomstvonyń baspasóz qyzmetі.
Material avtory
