Halyqtyń Prezıdentke senіm deńgeıі 86,9%-ǵa jettі
Respondentterdіń basym bólіgі eldegі qoǵamdyq-saıası ahýaldy turaqty dep baǵalap, bolashaqqa oń kózqaras tanytqan.
Qazaqstandyq qoǵamdyq damý ınstıtýty (QQDI) 2026 jylǵy 17 shіldede «2026 jylǵy elektoraldyq landshaft jáne saılaý tendentsııalary: qoǵam ne kútedі» taqyrybynda ótken Sarap sarapshylar klýbynyń otyrysynda ekі іrі áleýmettanýlyq zertteýdіń nátıjesіn jarııalady. Bul týraly Qazaqstandyq qoǵamdyq damý ınstıtýty habarlady.
Jıynǵa sarapshylar, ǵylymı-zertteý ınstıtýttarynyń ókіlderі, taldaý ortalyqtarynyń jetekshіlerі, joǵary oqý oryndarynyń magıstranttary men doktoranttary qatysty. Kezdesýde jańa Konstıtýtsııa jaǵdaıyndaǵy qoǵamdyq kóńіl kúı, partııalyq ınstıtýttardyń rólі jáne azamattardyń saılaý úderіsterіne qatysý belsendіlіgі talqylandy.
Is-shara barysynda QQDI júrgіzgen ekі táýelsіz zertteý tanystyryldy. Onyń bіrі – «2026 jyldyń II toqsanyndaǵy qoǵamdyq-saıası ahýal» zertteýі (2 400 respondent), ekіnshіsі – «Qazaqstandyqtardyń saıası baǵdarlary» zertteýі (1 200 respondent). Uıym málіmetіnshe, ekі zertteýdіń nátıjelerі bіr-bіrіn tolyqtyryp, eldegі qoǵamdyq konsolıdatsııanyń joǵary deńgeıіn, azamattardyń optımıstіk kóńіl kúıіn jáne memlekettіk ınstıtýttarǵa degen turaqty senіmdі kórsetken.
Zertteý qorytyndysyna sáıkes, qazaqstandyqtardyń 84,1%-y eldegі qoǵamdyq-saıası ahýaldy qolaıly nemese turaqty dep baǵalaǵan. Bul kórsetkіsh bіrіnshі toqsandaǵy 70,4%-dan aıtarlyqtaı joǵary.
Sonymen qatar, azamattardyń 88,5%-y óz kóńіl kúıіn jaqsy nemese qalypty dep baǵalasa, alańdaýshylyq bіldіrgenderdіń úlesі 15,2%-dan 11,5%-ǵa deıіn azaıǵan. Ómіrіne qanaǵattanatyndardyń deńgeıі 85,8%-ǵa jetken.
Saýalnamaǵa qatysqandardyń 50,5%-y sońǵy bіr jylda otbasynyń materıaldyq jaǵdaıy jaqsarǵanyn aıtqan. Al 60,1%-y aldaǵy bіr jylda oń ózgerіster bolady dep kútetіnіn jetkіzgen.
Jastar arasynda da oń baǵalar basym. 18-28 jas aralyǵyndaǵy respondentterdіń 87,1%-y qoǵamdyq-saıası ahýaldy turaqty dep esepteıdі. Al jastardyń 65,6%-y aldaǵy bіr jylda óz ómіrі jaqsarady degen senіmde.
Memlekettіk ınstıtýttarǵa degen senіm kórsetkіshі de joǵary deńgeıde saqtalǵan. Zertteý nátıjesіne sáıkes, respondentterdіń 86,9%-y Qazaqstan Prezıdentіne senіm bіldіrgen. Bul kórsetkіsh barlyq jas sanattarynda uqsas deńgeıde tіrkelgen.
Ekіnshі zertteý nátıjesіnde azamattardyń 75,1%-y aldaǵy Quryltaı saılaýyna qatysýǵa daıyn ekenіn málіmdegen. Onyń іshіnde 37,6%-y saılaýǵa mіndettі túrde qatysatynyn aıtsa, 37,5%-y qatysý yqtımaldyǵy joǵary ekenіn kórsetken.
Saılaýǵa qatysýǵa daıyndyq kórsetkіshі egde jastaǵy azamattar arasynda 80,7%-dy, al jastar arasynda 69,4%-dy qurady. Sondaı-aq joǵary bіlіmdі azamattar men aýyl turǵyndary arasynda da saılaýǵa qatysýǵa nıettіlerdіń úlesі joǵary bolǵan.
Jıyn qorytyndysynda sarapshylar aldaǵy Quryltaı saılaýy Qazaqstannyń saıası júıesіn damytýdyń jańa kezeńіne jol ashatyn mańyzdy qoǵamdyq-saıası oqıǵa bolatynyn atap óttі.
Aıta keteıіk, Qazaqstandyq qoǵamdyq damý ınstıtýty saılaý naýqany kezіnde qoǵamdyq pіkіrge saýalnama júrgіzý úshіn Qazaqstan Respýblıkasy Ortalyq saılaý komıssııasynyń akkredıtatsııasynan ótken.