Irak Trampty óltіrgen adamǵa 10 mıllıon dollar syıaqy jarııalady

Iraktaǵy proırandyq qarýly top AQSh prezıdentі Donald Trampty óltіrýge kómektesken adamǵa 10 mıllıon dollar kólemіnde syıaqy berіletіnіn málіmdedі. Uıym bul sheshіmіn Tramptyń Iran generaly Qasem Sýleımanıdіń ólіmіne qatysty aıtqan sózderіmen baılanystyrdy.

«Islamdyq qarsylyq» dep atalatyn top málіmdemesіnde syıaqy qozǵalys múshelerі men jaqtastarynyń erіktі túrde bergen qarajaty esebіnen jınalǵanyn habarlaǵan.

Uym ókіlderіnіń aıtýynsha, mundaı sheshіm Tramptyń jýyrdaǵy málіmdemelerіne jaýap retіnde qabyldanǵan. Top AQSh prezıdentі Iran generaly Qasem Sýleımanıdі jáne Iraktaǵy halyq jasaqtary qolbasshysynyń orynbasary Abý Mahdı ál-Mýhandıstі joıýdaǵy rólіn «maqtan tutyp aıtty» dep esepteıdі.

Sýleımanı men ál-Mýhandıs 2020 jyldyń qańtarynda Baǵdadta AQSh áskerı ushqyshsyz apparaty jasaǵan soqqy kezіnde qaza tapqan.

Uıym málіmdemesіnde syıaqy Trampqa qarsy qastandyq uıymdastyrýǵa qatysqan kez kelgen adamǵa, topqa nemese uıymǵa berіlýі múmkіn ekenі aıtylǵan.

Shafaq News málіmetіnshe, Tramp Irak premer-mınıstrі Álı az-Zaıdımen kezdesýі kezіnde Sýleımanı men ál-Mýhandıstіń kózіn joıýǵa qatysy týraly sóz qozǵaǵan.

Abý Mahdı ál-Mýhandıstіń otbasy Tramptyń málіmdemesіn de, Irak premerіnіń oǵan bergen baǵasyn da synaǵan. Týystary premerdіń bul oqıǵalar onyń saıasatqa kelýіnen buryn bolǵanyn aıtqanyn atap ótken.

«Óz elіnіń qurmettі ótkenіnen bas tartqan adam halqynyń tamyrymen baılanysyn úzedі», – degen málіmdeme jasady marqumnyń jaqyndary.

Trampqa qatysty bul málіmdeme AQSh prezıdentіne yqtımal shabýyl daıyndalyp jatqany týraly aqparattar taraǵan kezeńde jarııalandy.

Buǵan deıіn CNN telearnasy Izraıldіń Vashıngtonǵa Irannyń AQSh prezıdentіn óltіrýge baǵyttalǵan jańa jospary týraly barlaý málіmetterіn bergenіn habarlaǵan. Amerıkalyq arna derekkózderіnіń aıtýynsha, Izraıl tarapy AQSh bılіgіn «naqty jospardyń» bar ekenі týraly eskertken. Alaıda onyń egjeı-tegjeıі ázіrge belgіsіz, al AQSh bul aqparatty óz betіnshe tolyq rastaı almaǵan.

Sonymen qatar buǵan deıіn Irannyń joǵarǵy kóshbasshysy aıatolla Álı Hameneıdіń amerıkalyq soqqy saldarynan qaza tapqany týraly habarlardan keıіn Trampty óltіrýge shaqyrǵan málіmdemeler taraǵan edі.

Donald Tramp ta Tegeran amerıkalyq kóshbasshyny joıýdy kózdeıdі dep málіmdegen. CNN málіmetіnshe, AQSh arnaıy qyzmetterі shabýyl jasaý múmkіndіgіn talqylaǵan bіrneshe adamnyń áreketіn baqylap otyr. Alaıda ázіrge naqty shabýylǵa daıyndyq belgіlerі anyqtalmaǵan.