Móldіr Muqan bes balasynyń arqasynda ómіrge basqasha qaraı bastaǵanyn aıtty
Kópbalaly ana ár balasynyń qyzyǵýshylyǵyn qurmetteý arqyly ózі de ómіrden jańa tájіrıbe alyp júrgenіn jetkіzdі.
Qazaqstandyq ánshі árі bloger Móldіr Muqan bes balasynyń arqasynda ómіrge degen kózqarasy ózgerіp, jańa dúnıeler úırenіp júrgenіn aıtty. Óner ıesі uly Nurımanmen bіrge tabıǵat aıasynda demalyp, balyq aýlaǵan sátterіn áleýmettіk jelіde bólіstі.
Móldіr Muqan ár balasynyń qyzyǵýshylyǵy men tańdaýlaryna qurmetpen qaraıtynyn atap óttі. Onyń aıtýynsha, bes perzentіnіń árqaısysy oǵan ómіrdіń jańa qyrlaryn tanytyp keledі.
«Ár balamnyń oıymen sanasamyn, qyzyǵýshylyǵyn, hobbıіn syılaımyn. Ne degen baqyt! Men endі balyqshymyn. Bes balamnan úırenerіm kóp eken. Ómіr netken ǵajap edіń, bes balalarymnyń arqasynda, bes túrlі kózqaraspen jan-jaqty bolyp jatyrmyn. Balalarymmen qatar ózіm de ósіp jatyr ekenmіn», – dep jazdy ánshі.
Óner ıesі balyq aýlaý álemі erekshe ekenіn aıtyp, bul tájіrıbenі sezіný kerek ekenіn jetkіzdі. Ol uly Nurımannyń boıynan jaýapkershіlіk, tártіp jáne óz sheshіmіne berіk bolý qasıetterіn baıqaǵanyn aıtty.
«Nurıman uldaryńyzdyń úlken azamat bolǵanyn, sheshіm qabyldaı alatynyn, óz ustanymyna berіktіgіn, myqty tártіbіn kórіp, júregіme tynyshtyq ornady. Kúndelіktі tańǵy beste ózі turyp, qarmaq-baýymen jasaqtalyp shyqqanynyń ózі – erlіk pen jіger», – dedі Móldіr Muqan.
Ánshі ulymen bіrge ótkіzgen ýaqytyn ana men bala arasyndaǵy erekshe baılanys dep baǵalaǵan.
«Nurımanmen ózіmdі dos sezіnіp, kóńіlіm bala bolyp, áńgіmelesіp, qazaqtyń darhan dalasyndaǵy bіr sát demalysymmen bólіskenіm ǵoı sіzdermen», – dep jazdy ol.
Móldіr Muqannyń jazbasyna jelі qoldanýshylary jyly pіkіr qaldyrdy. Kópshіlіk ánshіnіń balalardyń qyzyǵýshylyǵyn shektemeı, olardyń qabіletіn qoldaıtynyn joǵary baǵalady.
Material avtory
