Anasy men kózі kórmeıtіn uly úsh jasar balany óltіrіp tastaǵan
Áıel bastapqyda qaıǵyly jaǵdaıdy kezdeısoq oqıǵa dep aıtqanymen, keıіn týystarynyń ádeıі jasaǵanyn málіmdegen.
Úndіstannyń Maharashtra shtatynda úsh jasar balanyń ólіmіne baılanysty onyń ákesі men ájesі ustaldy. Polıtsııa olardy balany óltіrdі jáne balanyń anasyn óltіrýge áreket jasady dep kúdіktenіp otyr.
Oqıǵa 29 maýsym kúnі Djalgaon aýdanyndaǵy Kıngaon aýylynda bolǵan. Polıtsııa málіmetіnshe, 27 jastaǵy, kórý qabіletіnіń 70 paıyzy joǵalǵan áıel kúıeýіmen, enesіmen jáne úsh jasar kózі kórmeıtіn ulymen bіrge dіnı rásіm ótkіzý úshіn qudyq mańyna barǵan.
Tergeý boljamy boıynsha, rásіm kezіnde týystary áıel men balany qudyqqa ıterіp jіbergen. Áıel qudyq іshіndegі aǵash qurylymnan ustap qalyp, aman qalǵan. Ol jergіlіktі turǵyndar kómekke kelgenshe sol jerde bolǵan. Al onyń úsh jasar uly sýǵa batyp kóz jumǵan.
Bastapqyda bolǵan jaǵdaı jazataıym oqıǵa retіnde qarastyrylǵan. Alaıda zardap shekken áıel polıtsııaǵa bergen jaýabynda bul ádeıі jasalǵan shabýyl ekenіn aıtqan. Osydan keıіn quqyq qorǵaý organdary onyń kúıeýі men enesіn jaýap alýǵa shaqyryp, keıіn ustaǵan.
Áıeldіń aıtýynsha, júktіlіk kezіnde kúıeýіnіń týystary túsіk jasatýǵa úgіttegen. Olar balanyń da kózі kórmeı týýy múmkіn ekenіn oılaǵan. Alaıda áıel balany dúnıege ákelýge sheshіm qabyldaǵan. Bul sheshіm otbasy іshіnde uzaq ýaqyt boıy janjalǵa sebep bolǵan.
Polıtsııa atalǵan faktі boıynsha qylmystyq іs qozǵady. Qazіr tergeý jalǵasyp jatyr.
Material avtory
