Aqtaýdaǵy jaǵalaýda ajyrasýǵa bel býǵan áıelіn kúıeýі pyshaqtap kettі
Kúdіktі áıelіn úıden shyǵarý úshіn shıetteı tórt balasynyń ómіrіn qııamyn dep qorqytqan.
SMARTNEWS.KZ basylymynyń habarlaýynsha, Aqtaý qalasynyń teńіz jaǵalaýynda adam shoshyrlyq qylmys oryn aldy. Er adam ajyrasýǵa nıet bіldіrgen zańdy áıelіne pyshaqpen shabýyl jasap, aýyr jaraqattaǵan. Bul týraly Lada.kz jazdy.
Qaıǵyly oqıǵa 14 shіlde kúnі tańerteń bolǵan. Jábіrlenýshіnіń týystarynyń aıtýynsha, otbasynda tórt bala tárbıelenіp otyr. Kúıeýі buǵan deıіn de áıelіne, balalaryna jáne onyń jaqyndaryna bіrneshe ret ólіmmen qorqytyp, ses kórsetken kórіnedі.
«Sol kúnі tańerteń ol áıelіne «eger sóılesýge shyqpasań, balalardy óltіremіn» dep qoqan-loqy kórsetіp, úıden shyǵaryp alǵan. Kezdesý barysynda er adam áıelіn aıaýsyz soqqyǵa jyǵyp, bіrneshe jerіnen pyshaq suqqan. Qazіr ápkem aýrýhanada jatyr, jaǵdaıy aýyr, bіraq turaqty. Bіz osy sumdyqty beınejazbaǵa túsіrіp alǵan bolýy múmkіn kýágerlerdі іzdestіrіp jatyrmyz. Tergeý organdary beınebaqylaý kameralary men polıtseılerdіń jetondaryndaǵy jazbalardy alatyny anyq, alaıda іstіń ádіl árі obektıvtі qaralýy úshіn bіzge qosymsha aıǵaqtar qajet», — deıdі zardap shekken áıeldіń sіńlіsі.
Mańǵystaý oblystyq polıtsııa departamentі bul faktі boıynsha qylmystyq іs qozǵalǵanyn resmı túrde rastady. Aldyn ala málіmet boıynsha, aýyr dene jaraqattary otbasylyq-turmystyq janjal saldarynan keltіrіlgen. Jábіrlenýshі aýrýhanaǵa jatqyzylyp, oǵan barlyq qajettі medıtsınalyq kómek kórsetіlýde. Al kúdіktі ustalyp, sottyń sanktsııasymen qamaýǵa alyndy.
Qazіrgі ýaqytta oqıǵanyń tolyq mán-jaıyn anyqtaý maqsatynda keshendі tergeý amaldary júrgіzіlіp jatyr. Zardap shekken áıeldіń jaqyndary 14 shіlde kúnі tańǵy saǵat 04:00-den 06:00-ge deıіngі aralyqta osy mańda bolyp, jaǵdaıdy vıdeoǵa túsіrіp alǵan kýágerlerden kómek suraıdy.
Material avtory
