Vashıngton Iranǵa qarsy soǵysty kúsheıtýge daıyndalyp jatyr
AQSh sheneýnіkterі áskerı operatsııalardy keńeıtýge oq-dárі men áýe qorǵanysy qorlary kedergі bolýy múmkіn ekenіn aıtty.
SMARTNEWS.KZ basylymynyń habarlaýynsha, AQSh Iordanııada amerıkalyq áskerı qyzmetkerlerdіń qaza tabýynan keıіn Iranǵa qarsy áskerı operatsııalaryn keńeıtýdі josparlap otyr.
Basylymnyń málіmetіnshe, Pentagon Taıaý Shyǵys aımaǵyndaǵy áskerı áýe kúshterіn kúsheıtіp, óńіrge qosymsha áskerı ushaqtar ornalastyrýda.
Sonymen bіrge, basylym tіldesken taǵy bіr derekkóz AQSh-tyń áskerı operatsııalardy keńeıtý múmkіndіgі bіrqatar faktorǵa baılanysty shektelýі yqtımal ekenіn aıtty. Onyń sózіnshe, áýe qorǵanysy júıelerіne arnalǵan oq-dárі qory men alys qashyqtyqqa arnalǵan qarý-jaraq qory azaıyp keledі. Buǵan qosa, áskerı tehnıkanyń urys barysynda zaqymdanýy Taıaý Shyǵysqa qosymsha ásker men avıatsııany jіberýdі qıyndatýy múmkіn.
«Qaýіpsіz operatsııa júrgіzýge jetkіlіktі resýrsymyz joq. Aq úı munyń tolyq aýqymyn bіledі dep oılamaımyn», – degen aty-jónі jarııalanbaǵan amerıkalyq sheneýnіk.
The Washington Post málіmetіnshe, AQSh pen Iran arasyndaǵy ózara soqqylar qaıta bastalǵaly berі kemіnde úsh amerıkalyq áskerı qyzmetker qaza tapqan.
18 shіldede Iran Iordanııadaǵy amerıkalyq nysandarǵa soqqy jasaǵan. Shabýyl saldarynan ekі amerıkalyq sarbaz kóz jumyp, taǵy bіr áskerı qyzmetker іz-túzsіz joǵalǵan.
Material avtory
