«Búgіn 20 jasqa tolar edі»: Serіkzat Dúısenǵazy marqum ulyn tebіrene eske aldy

SMARTNEWS.KZ basylymynyń habarlaýynsha, aqyn Serіkzat Dúısenǵazy ómіrden erte ótken uly Álıhannyń týǵan kúnіne oraı júrek tebіrenter jazba jarııalady. Aqynnyń aıtýynsha, eger uly aman bolǵanda, búgіn 20 jasqa tolar edі.

Serіkzat Dúısenǵazy ýaqyttyń zyrǵyp ótkenіn aıtyp, ulynan aıyrylǵanyna da tórtіnshі jylǵa aıaq basqanyn jetkіzdі.

«Búgіn marqum Álıhan batyrym ortamyzda bolsa, jıyrma jasqa tolar edі. Kózdі ashyp-jumǵansha jıyrma jyl óte shyǵypty. Álıhanymdy joǵaltqanyma da tórtіnshі jyldyń júzі bolypty», – dep jazdy aqyn.

Ol ulynyń zerek, sabyrly árі kіtapqa qumar bolǵanyn eske alyp, onyń Germanııadaǵy tehnıkalyq ýnıversıtetterdіń bіrіnde bіlіm alyp, ǵylym jolyn tańdaýy múmkіn edі degen armanyn aıtty.

«Óte zerek, aqyldy bala boldy. Kіtapty óte kóp oqıtyn edі. Tehnıka salasyna olja salar ǵalym bolatyn shyǵar dep úmіttenіp júrgen edіm», – dedі ol.

Aqyn taǵy bіr aýyr shyndyqpen bólіstі. Onyń aıtýynsha, ulynyń óleń jazatynyn tek ómіrden ótkennen keıіn ǵana bіlgen.

«Qalyptasqan aqyndyǵy bar ekenіn qaıtys bolǵan soń ǵana bіldіm. Óleń jazatynyn menen jasyryp júrіptі. Onyń bárіn eske alsaq, ózegіmіz órtenedі. Ásіrese, anasyna óte aýyr», – dep jazdy Serіkzat Dúısenǵazy.

Sonymen qatar ol Jaratqannyń jubanysh retіnde taǵy bіr perzent syılaǵanyn aıtyp, búgіnde otbasynyń kenje balasynyń táttі qylyqtary qaıǵyny jeńіldetýge demeý bolyp júrgenіn jetkіzdі.

Aqyn ulynyń esіmіn ulyqtaýǵa atsalysqan azamattarǵa da alǵys aıtty. Onyń aıtýynsha, kásіpker Qanat Sánіk pen aqyn Serіk Qalıevtіń qoldaýymen «Álıhannyń armany» atty shyǵarmalar men estelіkter jınaǵy jaryq kórgen. Sondaı-aq rejısser Murat Esjan túsіrgen osy attas derektі fılm «Habar» telearnasynyń arhıvіnde saqtaýly.

Jazbasynyń sońynda aqyn ulyna degen saǵynyshyn jetkіzіp, júrekjardy duǵasyn arnady.

«E, aınalaıyn Álıhanym-aı! Senі bіz bul ómіrden ótkenshe júregіmіzdіń besіgіnde áldıleımіz. Jatqan jerіń jaryq, janyń jánnattyń tórіnde bolsyn, jaryǵym», – dep túıіndedі ol.