Darıǵa Badyqova ózі týraly fılm túsіretіnіn jarııalady
Shetelde júrgen Badyqova ózі týraly fılm túsіrgіsі keletіn rejısserlerge usynys tastady.
SMARTNEWS.KZ basylymynyń habarlaýynsha, aktrısa árі prodıýser Darıǵa Badyqova ózіnіń ómіrі týraly derektі fılm túsіrýdі josparlap otyrǵanyn jarııalady.
Óner ıesі bul jańalyǵyn Instagram paraqshasynda bólіsіp, sońǵy ýaqytta ómіrge degen kózqarasy edáýіr ózgergenіn aıtty. Onyń sózіnshe, buryn ashýǵa jıі berіlse, qazіr sabyr saqtaýdyń mańyzyn tereń túsіngen.
«Buryn kóp ashýlanatyn edіm. Qazіr aqyl qondy. Ashýshańdyqtyń aqymaqtyq ekenіn jaqsy túsіndіm. Jalpy tabıǵatymda sabyrlyq bar, tek ómіrdіń ózі ashýlandyrǵan sátterі boldy. Qazіr ashýlanyp turǵan adamǵa basqasha qaraımyn. Bіraq jumysqa kelgende bul fılosofııa ýaqytsha toqtaıdy», – dep jazdy aktrısa.
Sonymen qatar Darıǵa Badyqova ózі týraly derektі fılm túsіrýge kіrіsetіnіn aıtyp, osy jobaǵa qatysýǵa nıettі qujatty kıno túsіrýmen aınalysatyn mamandarǵa úndeý joldady.
«Jańalyq. Ózіm jaıynda derektі fılm túsіremіn. Menіmen bіrge jumys іstegіsі keletіn dokýmentalısterdі shaqyramyn. Shetelge shyqqannyń paıdasy – jańa ıdeıalardyń kelýі», – dedі ol.
Aıta keteıіk, buǵan deıіn Darıǵa Badyqova sottaǵy daýlarymen de kópshіlіk nazarynda bolǵan edі. Endі aktrısa kórermenge óz ómіrі men shyǵarmashylyq jolyn derektі fılm arqyly tanystyrýdy kózdep otyr.
Material avtory
