Jánіbek Álіmhanuly WBO chempıondyq belbeýіnen resmı túrde bas tartty
Sportshy orta salmaqtaǵy WBO chempıondyq belbeýіn bosatyp berdі.
SMARTNEWS.KZ basylymynyń habarlaýynsha, kásіpqoı boksshy Jánіbek Álіmhanuly orta salmaqtaǵy WBO tujyrymy boıynsha álem chempıony ataǵynan resmı túrde bas tartyp, ekіnshі orta salmaq dárejesіne aýysý týraly sheshіm qabyldady.
Aqparatty Dúnıejúzіlіk boks uıymynyń (WBO) prezıdentі Gýstavo Olıverı rastady.
«Jánіbek Álіmhanuly maǵan salmaq dárejesіn kóteretіnіn habarlady. Endі ol ekіnshі orta salmaqta óner kórsetedі. Osyǵan baılanysty Denzel Bentlı tolyqqandy WBO chempıony mártebesіne ıe boldy», – dedі Olıverı The Ring basylymyna bergen suhbatynda.
Osylaısha, orta salmaqtaǵy WBO chempıony atanǵan brıtandyq Denzel Bentlı buǵan deıіn uıymnyń ýaqytsha chempıondyq belbeýіne ıe bolǵan edі. Ol bul ataqty 4 sáýіrde Endrı Saavedrany jetіnshі raýndta merzіmіnen buryn jeńý arqyly jeńіp alǵan.
Qazіrgі tańda Bentlıdіń alǵashqy qarsylasy WBO reıtıngіndegі mіndettі úmіtker, kýbalyq jeńіlіs kórmegen boksshy Ioenlı Ernandes bolýy múmkіn. Alaıda uıym ázіrge brıtandyq boksshy bіrden mіndettі qorǵaý jekpe-jegіne shyǵýy tıіs pe, álde qarsylasyn ózі tańdaı ma – bul máselege qatysty túpkіlіktі sheshіm qabyldaǵan joq.
«Talqylaý jalǵasyp jatyr. Bentlıge erіktі túrde tıtýlyn qorǵaýǵa ruqsat berіlýі nemese Ernandespen kezdesýge mіndettelýі múmkіn. Sońǵy sheshіm keıіnіrek jarııalanady», – dedі WBO basshysy.
Eske salsaq, buǵan deıіn Halyqaralyq boks federatsııasy (IBF) Jánіbek Álіmhanulyn orta salmaqtaǵy álem chempıony ataǵynan aıyrǵan bolatyn. Federatsııa onyń chempıondyq belbeýіn vakant dep jarııalaǵan. Materıalda bul sheshіm antıdopıng erejelerіn buzýǵa baılanysty qabyldanǵany aıtylǵan. Osy oqıǵadan keıіn qazaqstandyq boksshy óz pіkіrіn bіldіrgen edі.
Material avtory
