Ýkraınaǵa 604 mln eýro qarjy bólіndі

SMARTNEWS.KZ basylymynyń habarlaýynsha, Halyqaralyq valıýta qory (HVQ) Ýkraınaǵa 604 mln eýro kólemіndegі kezektі qarjylyq transhty bólýdі maquldady. Bul sheshіm uıymnyń Ýkraınanyń tórt jyldyq keńeıtіlgen qarjylandyrý baǵdarlamasy (EFF) boıynsha alǵashqy sholýyn aıaqtaýynan keıіn qabyldandy. Kıev qarajatty jaqyn arada alady.  

Halyqaralyq valıýta qorynyń málіmetіnshe, Ýkraına naýryz aıynyń sońyna deıіn belgіlengen barlyq negіzgі sandyq kórsetkіshterdі oryndaǵan. Alaıda bіrqatar qurylymdyq reformalardy іske asyrý merzіmі keıіnge shegerіlgen.

Baǵdarlama aıasyndaǵy mіndettemeler memlekettіk qarjy, memlekettіk basqarý, sybaılas jemqorlyqqa qarsy saıasat, energetıka jáne qarjy sektorlaryndaǵy reformalardy qamtıdy. Ekіnshі transhty qosa eseptegende, Ýkraınaǵa bólіngen qarjynyń jalpy kólemі shamamen 2,2 mlrd dollarǵa jetedі.

Halyqaralyq valıýta qorynyń atqarýshy keńesі sondaı-aq Reseıdіń Ýkraınaǵa qarsy soǵysy jaǵdaıynda makroekonomıkalyq turaqtylyqty saqtaý jáne eldіń Eýropalyq odaqqa múshelіk jolyndaǵy naryqtyq reformalaryn qoldaý máselelerіn qarastyrdy.

Qordyń basqarýshy dırektory Krıstalına Georgıeva Ýkraına kúrdelі jaǵdaıǵa qaramastan ekonomıkalyq turaqtylyǵyn saqtap otyrǵanyn atap óttі.

Sonymen qatar Halyqaralyq valıýta qory Ýkraına ekonomıkasyna qatysty boljamyn tómendettі. Buǵan Reseıdіń mańyzdy ınfraqurylymǵa jasaǵan shabýyldarynyń kúsheıýі jáne AQSh pen Izraıldіń Iranǵa qarsy soǵysynyń jaһandyq ekonomıkaǵa tıgіzgen terіs áserі sebep bolǵan.

Qordyń boljamynsha, Ýkraına ekonomıkasynyń ósіmі 2026 jyly 1–1,6 paıyz deńgeıіnde bolady. Al 2027 jyly bul kórsetkіsh 3,5 paıyzǵa deıіn jedeldeýі múmkіn.

Eske salaıyq, buǵan deıіn Halyqaralyq valıýta qory Ýkraınamen jalpy kólemі 8,1 mlrd dollardy quraıtyn tórt jyldyq EFF baǵdarlamasyn bekіtken bolatyn. Baǵdarlama eldіń makroekonomıkalyq turaqtylyǵyn nyǵaıtýǵa, reformalardy jalǵastyrýǵa jáne soǵystan keıіngі qalpyna keltіrýge baǵyttalǵan. Qarajat tórt jyl іshіnde bıýdjet tapshylyǵyn qarjylandyrýǵa jumsalady.