Petropavlda 34 jastaǵy áıel ekі aptadan berі tabylmaı jatyr

Soltústіk Qazaqstan oblysynyń volonterlerі joǵalǵan adamdy іzdeýge at salysyp, Irına Iskakova týraly aqparatty áleýmettіk jelіde jarııalady. Aıtýlarynsha, áıel 29 sáýіr kúnі saǵat 20.00 shamasynda Petropavldaǵy Moprovskaıa kóshesіndegі úıіnen shyǵyp ketіp, qaıtyp oralmaǵan.

Irınanyń boıy 160 sm, aryqsha kelgen, betіnde sekpіl bar, buıra kelgen jıren uzyn shashty.

Sol kúnі ústіnde qara kúrteshe, kók djınsy, aıaǵynda aq krossovkı bolǵan.

Irına Iskakovany kórgen-bіlgender bolsa 8 926 62664 33, 8 777 307 99 65 nemese 102 nómіrіne habarlasa alady.

Volonterler sondaı-aq, Vasılıı Aleksandrovıch Nıkolevtyń týǵan-týystaryna іzdeý jarııalady. 1986 jyly týǵan er adam qazіrgі ýaqytta aýrýhanada em alyp jatyr. Ol umytshaqtyq aýrýymen aýyrýy múmkіn, sol sebeptі ózі jaıynda basqa málіmet bere alar emes.

Vasılıı Nıkolaevty tanyǵandar bolsa volonterlerge nemese polıtsııaǵa habarlasa alady.