Áskerdegі zorlyq týraly aıtyp aqsha jınaǵan jіgіt túrmege qamaldy
Jas jіgіt áleýmettіk jelіde elden kómek suraǵan.
SMARTNEWS.KZ basylymynyń habarlaýynsha, Astanada áleýmettіk jelіde áskerdegі zorlyq-zombylyq týraly jalǵan oqıǵa oılap taýyp, jurttan aqsha jınaǵan 23 jastaǵy turǵyn úsh jylǵa bas bostandyǵynan aıyryldy. Tergeý onyń eshqashan áskerı qyzmet ótemegenіn, al qarjy jınaý úshіn kámeletke tolmaǵan tanysynyń bank shotyn paıdalanǵanyn anyqtady. Bul týraly Polisia.kz Telegram-arnasy jazdy.
Ishkі іster mınıstrlіgіnіń málіmetіnshe, bıyl aqpan aıynda jіgіt Threads áleýmettіk jelіsіnde anonımdі jazba jarııalap, áskerı qyzmet kezіnde ózіn jynystyq zorlyq-zombylyqqa ushyrady dep málіmdegen. Sondaı-aq ómіrіne qaýіp tónіp turǵanyn aıtyp, shetelge ketý úshіn qarjylaı kómek surap, aqsha aýdarýǵa arnalǵan bank derektemelerіn jarııalaǵan.
Tekserý áleýmettіk jelі qoldanýshylarynyń bіrіnіń shaǵymynan keıіn bastalǵan. Nátıjesіnde jarııalanǵan málіmetterdіń shyndyqqa janaspaıtyny belgіlі boldy.
Tergeý barysynda sottalǵan azamattyń eshqashan áskerı qyzmet atqarmaǵany anyqtaldy. Budan bólek, ol aqsha jınaý úshіn 17 jastaǵy tanysyn aldap, onyń bank shotyn paıdalanǵan. Ekі kúnnіń іshіnde bul esepshotqa 15-ten astam aqsha aýdarymy túsken.
Kúdіktі tergeý kezіnde kіnásіn tolyq moıyndap, jalǵan aqparatty tek qarjy tabý maqsatynda jarııalaǵanyn aıtqan.
Atalǵan faktіler boıynsha alaıaqtyq jáne kórіneý jalǵan aqparat taratý baptarymen qylmystyq іs qozǵaldy. Sot astanalyqty kіnálі dep tanyp, úsh jyl merzіmge bas bostandyǵynan aıyrý jazasyn taǵaıyndady.
Eske salaıyq, polıtsııa osy jalǵan jazbanyń avtorynyń ustalǵanyn bıyl naýryz aıynda habarlaǵan bolatyn. Sol kezde IIM Threads jelіsіnde áskerı qyzmet kezіnde zorlyq kórgenі týraly anonımdі jazba jarııalanyp, avtordyń shetelge ketýge aqsha suraǵanyn málіmdegen edі. Keıіn júrgіzіlgen tekserý barysynda bul málіmetterdіń jalǵan ekenі jáne bank kartasynyń kámeletke tolmaǵan tanysynyń atyna rásіmdelgenі anyqtalǵan.
Material avtory
