Soltústіk Qazaqstanda 74 jastaǵy áıel pyshaqtap óltіrdі
Esіl aýdanynda zeınetkerdіń ólіmіne qatysty 31 jastaǵy er adam ustaldy.
Soltústіk Qazaqstan oblysynda turmystyq janjal adam ólіmіmen aıaqtaldy. Esіl aýdanyndaǵy eldі mekenderdіń bіrіnde 74 jastaǵy zeınetker áıel pyshaq jaraqatynan kóz jumdy. Bul týraly Petropavlovsk.news saıty jazdy.
Aldyn ala málіmet boıynsha, marqum men 31 jastaǵy er adam arasynda janjal shyqqan. Tergeý nusqasyna sáıkes, daý barysynda kúdіktі áıelge pyshaq suǵyp, aýyr jaraqat salǵan.
Alǵan jaraqatynyń saldarynan zeınetker oqıǵa ornynda kóz jumǵan.
Oblystyq polıtsııa departamentіnіń málіmetіnshe, kúdіktі ustalyp, ýaqytsha ustaý ızolıatoryna qamalǵan.
Atalǵan derek boıynsha kіsі óltіrý faktіsіmen sotqa deıіngі tergeý bastaldy. Qazіr quqyq qorǵaý organdary qaıǵyly oqıǵanyń barlyq mán-jaıyn anyqtap jatyr.
Material avtory
