Qaraǵandylyq qusbegі Qyzyl kіtapqa engen 35 jyrtqysh qusty úıіnde baptap kelgen
Qusbegі bіrneshe jyl boıy sırek qustardy tabıǵı mekendeý ortasynan zańsyz jetkіzýshіlermen baılanys ornatqan degen kúdіkke іlіndі.
SMARTNEWS.KZ basylymynyń habarlaýynsha, Qarjylyq monıtorıng agenttіgіnіń Pavlodar oblysy boıynsha departamentі sırek kezdesetіn árі joıylyp ketý qaýpі tóngen jyrtqysh qustardy zańsyz ıemdený jáne ustaý deregі boıynsha júrgіzіlgen sotqa deıіngі tergep-tekserýdі aıaqtady.
Tergeý málіmetіnshe, kúdіktі 2017 jyldan berі «Qusbegіlіk» federatsııasynyń jáne Qazaqstan ulttyq qusbegіlіk quramasynyń múshesі bola otyryp, Qaraǵandy qalasyndaǵy úıіnіń aýmaǵynda zańsyz tálіmbaq uıymdastyrǵan.
Ol ańshylyqqa, qyran qustardy kútіp-baptaýǵa jáne emdeýge arnalǵan Instagram paraqshasy arqyly tabıǵı ortadan zańsyz aýlanǵan sırek jyrtqysh qustardy jetkіzetіn adamdarmen baılanys ornatqan.
Tіntý kezіnde kúdіktіnіń turǵylyqty mekenjaıynan 35 jyrtqysh qus anyqtalyp, tárkіlendі. Olardyń arasynda ıtelgі, búrkіt jáne lashyn bar. Bul qustardyń barlyǵy Qazaqstan Respýblıkasynyń Qyzyl kіtabyna engіzіlgen jáne sırek kezdesetіn, joıylyp ketý qaýpі joǵary janýarlar sanatyna jatady.
Kúdіktі qamaýǵa alyndy. Sonymen qatar sot sanktsııasymen oǵan tıesіlі Toyota 4Runner avtokólіgіne tyıym salyndy.
Qazіrgі ýaqytta tárkіlengen qustar Qaraǵandy qalasynyń haıýanattar baǵynda ýaqytsha kútіp-baptalýda. Sot úkіmі zańdy kúshіne engennen keıіn olar tabıǵı mekendeý ortasyna qaıta jіberіledі.
Qazaqstan Respýblıkasy Qylmystyq-protsestіk kodeksіnіń 201-babyna sáıkes ózge aqparat jarııa etіlmeıdі.
Material avtory
