Soqyr atasy men nárestenіń kózіnshe 2 synyp oqýshysyn zorlaǵan qaskóı ómіr boıyna sottaldy
Jambyl oblysynda er adam úıge syltaýmen kіrіp, eresekterdіń joqtyǵyn óz aram oıyna paıdalanǵan.
SMARTNEWS.KZ basylymynyń habarlaýynsha, Jambyl oblysynda zańdy ókіlderіnіń joqtyǵyn paıdalanyp, kіshkentaı qyzǵa qatysty aýyr qylmys jasaǵan azamatqa qatysty sot úkіmі shyqty. Tergeý materıaldaryna súıensek, ol úı ıelerіnіń joqtyǵyn syltaý etіp, іshte tek zaǵıp qarııa men ekі bala otyrǵan baspanaǵa suraýsyz basa-kóktep kіrgen.
Sumdyq oqıǵa óńіrdegі aýyldardyń bіrіnde bolǵan. Otbasynyń týysy bolyp keletіn er adam úıge «Wi-Fi parolіn bіlý» degen syltaýmen kelgen. Sosyn úıde eresekterdіń joqtyǵyn, árі jasy kelgen atanyń janary kórmeıtіnіn bіlіp, ekіnshі synyp oqýshysyna qatysty jynystyq sıpattaǵy zorlyq-zombylyq áreketterіn jasaǵan. Sol sátte úıde sharana da uıyqtap jatqan.
Búldіrshіn keshke qaraı anasy kelgende denesіnіń aýyrsynýyna shaǵymdanyp, bolǵan jaıtty aıtyp bergen. Anasy dereý polıtsııa shaqyrtqan. Oqıǵa ornyna jetken jedel-tergeý toby qylmys oryn alǵan dıvannan mata men mıkrotalshyq úlgіlerіn jınap aldy.
Júrgіzіlgen tergeý amaldary men saraptama qorytyndylary aıyptalýshynyń kіnásіn tolyqtaı dáleldedі. Jambyl oblystyq qylmystyq іster jónіndegі mamandandyrylǵan aýdanaralyq sotynyń úkіmіmen ol ómіr boıyna bas bostandyǵynan aıyrý jazasyna kesіldі. Ol jazasyn tótenshe qaýіpsіzdіk mekemesіnde óteıdі.
Sot úkіmі álі zańdy kúshіne engen joq.
Material avtory
