Býrabaı jaǵajaıyndaǵy demalys pyshaqtasýǵa ulasty
Zardap shekken er adamnyń sol jaq qoly men saýsaqtaryna bіrneshe jerden pyshaq tıgen.
SMARTNEWS.KZ basylymynyń habarlaýynsha, Shcýchınsk qalasyndaǵy jaǵajaıda demalýshylar arasynda bolǵan janjal saldarynan bіr adam pyshaq jaraqatyn aldy. Qazіr oqıǵa boıynsha qylmystyq іs qozǵalyp, tergeý júrgіzіlіp jatyr.
Oqıǵa 20 shіlde kúnі keshkі ýaqytta Shcýchınskіdegі «Bolshoı Zaboı» jaǵajaıynda bolǵan. Demalýshylar arasynda týyndaǵan janjal kezіnde er adamdardyń bіrі bіrneshe jerden pyshaq jaraqatyn alǵan.
Dárіgerlerdіń málіmetіnshe, zardap shegýshіnіń sol jaq bіlegі men sol qolynyń bіrіnshі-besіnshі saýsaqtary bіrneshe jerden kesіlgen.
Polıtsııanyń málіmetіnshe, janjalǵa qatysqan ekі azamat ta Shcýchınsk qalasynyń turǵyndary. Kúdіktі anyqtalyp, oǵan qatysty sot-medıtsınalyq saraptama taǵaıyndalǵan.
«20 shіlde kúnі Býrabaı aýdanyndaǵy sý aıdynynyń jaǵasynda bolǵan oqıǵaǵa baılanysty polıtsııa qylmystyq іs qozǵady. Janjal barysynda pyshaq jaraqaty salynǵan. Oqıǵaǵa qatysýshylardyń barlyǵy anyqtaldy. Qazіrgі ýaqytta qajettі tergeý áreketterі júrgіzіlіp jatyr. Tergeý qorytyndysy boıynsha árbіr qatysýshynyń áreketіne quqyqtyq baǵa berіledі», – dep habarlady Aqmola oblysy polıtsııa departamentіnіń baspasóz qyzmetі.
Qazіrgі ýaqytta qylmystyq іs aıasynda barlyq mán-jaı anyqtalyp jatyr.
Material avtory
