Taılandtan bótennіń chemodanyn ákelgen boıjetken sottalyp kettі
Boıjetken Bangkokten Almatyǵa esіrtkі salynǵan ekі chemodandy syıaqy úshіn jetkіzýge kelіsken.
SMARTNEWS.KZ basylymynyń habarlaýynsha, Taılandtan Qazaqstanǵa іshіnde esіrtkіsі bar bótennіń chemodandaryn aqyly túrde jetkіzýge kelіsken 22 jastaǵy qazaqstandyq boıjetken 16 jylǵa bas bostandyǵynan aıyryldy.
Almaty qalasynyń qylmystyq іster jónіndegі mamandandyrylǵan aýdanaralyq soty ony asa іrі mólsherdegі esіrtkі zattaryn zańsyz tasymaldaý jáne kontrabandalyq jolmen ótkіzý boıynsha kіnálі dep tanydy.
Sot materıaldaryna sáıkes, boıjetken aqshalaı syıaqy úshіn Bangkokten Almatyǵa jalpy salmaǵy 8,8 kelі kannabıs syǵyndysy salynǵan ekі chemodandy jetkіzýge kelіsken.
Alaıda ol Almaty halyqaralyq áýejaıyna kelgen sátte quqyq qorǵaý organdarynyń qyzmetkerlerі tarapynan ustalǵan.
Prokýratýra áleýmettіk jelіlerde taralatyn «ońaı aqsha tabý» nemese tegіn shetelge saıahat jasaý týraly usynystardyń artynda halyqaralyq esіrtkі tasymalynyń qylmystyq shemalary turýy múmkіn ekenіn eskerttі.
Vedomstvo mundaı zańsyz áreketterge kez kelgen rólde qatysý aýyr qylmystyq jaýapkershіlіkke ákeletіnіn atap óttі.
Sot úkіmі zańdy kúshіne endі.
Material avtory
