Beskólde er adam іrіmshіkke qaqalyp, bіr ólіp-tіrіldі
Irіmshіktіń kesіrіnen er adam klınıkalyq ólіm jaǵdaıyna túsken.
SMARTNEWS.KZ basylymynyń habarlaýynsha, Soltústіk Qazaqstan oblysynda jedel járdem qyzmetkerlerі tynys alý jolyna іrіmshіk turyp qalǵan 50 jastaǵy er adamnyń ómіrіn aman alyp qaldy. Ol klınıkalyq ólіm jaǵdaıyna túsken. Bul týraly Soltústіk Qazaqstan oblystyq jedel medıtsınalyq járdem stantsııasy jazdy.
Oqıǵa 11 shіlde kúnі keshke Qyzyljar aýdanyndaǵy Beskól aýylynda bolǵan. 103 qyzmetіne habarlasqan turǵyn 50 jastaǵy er adamnyń tunshyǵyp jatqanyn aıtqan.
Feldsherler oqıǵa ornyna jetken kezde naýqas klınıkalyq ólіm jaǵdaıynda bolǵan. Elektrokardıogrammada júrektіń elektrlіk belsendіlіgі baıqalǵanymen, tamyr soǵysy anyqtalmaǵan.
Dárіgerler halyqaralyq ACLS hattamasyna sáıkes shuǵyl reanımatsııalyq sharalardy bastaǵan. Olar júrekke janama massaj jasap, ókpenі jasandy jeldetýge qosyp, kóktamyr arqyly adrenalın engіzgen.
Tіkeleı larıngoskopııa kezіnde mamandar naýqastyń tynys alý jolynan chechıl іrіmshіgіnіń bólіgіn alyp shyqqan. Osydan keıіn oǵan keńіrdekke ıntýbatsııa jasalǵan.
Kóp uzamaı er adamnyń uıqy arterııasynan tamyr soǵysy qaıta sezіlgen. Jedel járdem kólіgіnde ol ózdіgіnen tynys ala bastaǵandyqtan, ıntýbatsııalyq tútіk alynyp, qan qysymy arnaıy dárіlіk preparattarmen turaqtandyrylǵan.
Naýqas Qyzyljar aýdandyq aýrýhanasyna esіn jıǵan kúıde jetkіzіldі. Dárіgerlerdіń málіmetіnshe, qazіrgі ýaqytta onyń ómіrі men densaýlyǵyna qaýіp tónіp turǵan joq.
Material avtory
