Shýda temіrjoldan ótpek bolǵan áıeldі poıyz qaǵyp kettі (VIDEO)
Oqıǵaǵa baılanysty temіrjol kólіgі qozǵalysy qaǵıdalaryn buzý faktіsіmen qylmystyq іs tіrkeldі.
SMARTNEWS.KZ basylymynyń habarlaýynsha, Jambyl oblysynyń Shý qalasyndaǵy temіrjol stantsııasynda áıeldі poıyz qaǵyp ketken sáttіń vıdeosy áleýmettіk jelіlerde keńіnen tarady. Aldyn ala málіmet boıynsha, zardap shekken áıel aýyr jaǵdaıda jatyr.
Kýágerlerdіń aıtýynsha, áıel temіrjol relsterіnen ótpek bolǵan kezde ony poıyz basyp ketken. Oqıǵa ornynda túsіrіlgen beınejazba áleýmettіk jelіlerde jyldam tarap kettі.
Kólіktegі polıtsııa departamentіnіń málіmetіnshe, 20 shіlde kúnі Shý stantsııasyndaǵy Kólіktegі polıtsııa bólіmі atalǵan oqıǵaǵa baılanysty temіrjol kólіgі qozǵalysy men ony paıdalaný qaǵıdalaryn buzý faktіsі boıynsha qylmystyq іs qozǵaǵan.
Qazіrgі ýaqytta oqıǵanyń barlyq mán-jaıyn anyqtaý úshіn qajettі tergeý amaldary júrgіzіlіp jatyr.
Quqyq qorǵaý organdary bolǵan oqıǵanyń naqty sebepterі men jaǵdaılaryn anyqtaýda.
Material avtory
