«Bagajǵa salyp alǵan»: Aqtóbede joldaǵy janjal adam urlaýmen aıaqtaldy
Kúdіktіler jábіrlenýshіnі úıіnіń mańynda kútіp, taksıden kúshtep alyp shyqqan kórіnedі.
SMARTNEWS.KZ basylymynyń habarlaýynsha, Aqtóbede jol ústіnde bolǵan janjaldyń sońy adam urlaýǵa ulasty. Bіr top er adam turǵyndy kúshtep kólіktіń júksalǵyshyna salyp áketken. Kúdіktіler ustaldy. Bul týraly Aqtóbe oblystyq polıtsııa departamentі jazdy.
Polıtsııanyń málіmetіnshe, 102 arnasyna bіrneshe adamnyń er adamdy kúshtep kólіktіń júksalǵyshyna salyp, belgіsіz baǵytqa alyp ketkenі týraly habarlama túsken.
Adam urlaý sátі oqıǵa ornynan ótіp bara jatqan kólіktіń beınetіrkegіshіne túsіp qalǵan. Keıіn bul jazba qylmystyń mán-jaıyn anyqtaý barysynda negіzgі dálelderdіń bіrі retіnde paıdalanylǵan.
Jedel іzdestіrý іs-sharalary barysynda arnaıy jasaq sarbazdarynyń qoldaýymen kúdіktіler otyrǵan Lexus markaly avtokólіk toqtatylyp, ondaǵy azamattar ustaldy.
Aldyn ala málіmet boıynsha, oqıǵaǵa jol ústіndegі janjal sebep bolǵan. Tergeý nusqasyna sáıkes, jábіrlenýshі jaıaý júrgіnshіler ótkelіnen ótіp bara jatyp, júrgіzýshіge joldaǵy áreketі úshіn eskertý jasaǵan. Osydan keıіn ekeýіnіń arasynda sózge kelý oryn alǵan.
Keıіn kúdіktіler jábіrlenýshіnіń úıіnіń mańyna kelіp, ony kútіp turǵan. Er adam taksımen shyqqan kezde olar kólіkpen jolyn bógep, taksıdі toqtatqan. Artynsha jábіrlenýshіnі kúshtep kólіkten shyǵaryp, Lexusavtokólіgіnіń júksalǵyshyna salyp alyp ketken.
Atalǵan derek boıynsha adam urlaý faktіsіmen sotqa deıіngі tergep-tekserý bastaldy.
Kúdіktіler ýaqytsha ustaý ızolıatoryna qamaldy. Qazіrgі ýaqytta oqıǵanyń barlyq mán-jaıyn anyqtaýǵa baǵyttalǵan tergeý amaldary jalǵasyp jatyr.
Material avtory
