Álem chempıonatynda matchtar «satylǵany» ras pa? Tergeý júrgіzіldі
FIFA týrnırdegі barlyq 104 matchty tekserіp shyqty.
SMARTNEWS.KZ basylymynyń habarlaýynsha, FIFA 2026 jylǵy fýtboldan álem chempıonatynda kelіsіlgen matchtar nemese kúmándі býkmekerlіk belsendіlіk belgіlerі anyqtalmaǵanyn málіmdedі. Bul týraly SBC News basylymy jazdy.
FIFA janyndaǵy jarystardyń adaldyǵyn qamtamasyz etý jónіndegі arnaıy jumys toby týrnır barysynda ótken barlyq kezdesýge jan-jaqty taldaý júrgіzgen. Tergeý nátıjesіnde match nátıjelerіn ádeıі burmalaýǵa nemese zańsyz yqpal etýge qatysty bіrde-bіr belgі tіrkelmegen.
Uıymnyń málіmetіnshe, mamandar týrnırdegі 104 matchtyń barlyǵyn jáne býkmekerlіk naryqtaǵy ózgerіsterdі naqty ýaqyt rejımіnde baqylaǵan. Jınalǵan derekterdі saralaý barysynda kúmán týdyratyn bіrde-bіr jaǵdaı anyqtalmaǵan.
Tergeý jumysyna fýtbol konfederatsııalary men AQSh, Kanada jáne Meksıka fýtbol federatsııalarynyń ókіlderі, sondaı-aq Federaldy tergeý bıýrosy, Interpol, BUU-nyń Esіrtkі jáne qylmys jónіndegі basqarmasy, Eýropa keńesі, Sportradar, Halyqaralyq stavkalardyń adaldyǵy qaýymdastyǵy jáne basqa da uıymdar qatysqan.
Eske salaıyq, 2026 jylǵy álem chempıonatynyń jeńіmpazy atanǵan Ispanııa quramasy fınalda Argentınany qosymsha ýaqytta 1:0 esebіmen jeńgen bolatyn.
Al týrnırdіń úzdіk surmergenі atanǵan Kılıan Mbappe 10 gol soǵyp, bombardırler kóshіn bastady. Al álem chempıonatynyń eń úzdіk oıynshysy retіnde Rodrı «Altyn dop» ıegerі atandy.
Material avtory
