Astanada polıtseı sý basqan kósheden qyzdy kóterіp ótkіzdі (VIDEO)
Sý basqan kóshede polıtseı men turǵynnyń áreketі jurtty tántі ettі.
SMARTNEWS.KZ basylymynyń habarlaýynsha, Astanada nóser jańbyrdan keıіn polıtsııa qyzmetkerі men qala turǵyny sý basqan kósheden óte almaı turǵan qyzdarǵa kómektestі. Oqıǵanyń vıdeosy áleýmettіk jelіde keń tarap, kópshіlіktіń yqylasyna bólendі.
Kýágerler jarııalaǵan beınejazbada nóserden keıіn kóshenіń júrіs bólіgі men jaıaý júrgіnshіler jolyn sý basqany kórіnedі. Qyzdardyń aıaq kıіmі men kıіmі sýlanbaýy úshіn polıtsııa qyzmetkerі men janynan ótіp bara jatqan azamat olardy kezekpen kóterіp, sý jınalǵan jerden ótkіzіp jіbergen.
Jelіde taraǵan vıdeo az ýaqyt іshіnde myńdaǵan qaralym jınap, ondaǵan pіkіrge arqaý boldy. Paıdalanýshylar polıtsııa qyzmetkerі men turǵynnyń áreketіne rızashylyq bіldіrіp, mundaı janashyrlyq pen ózara kómek qurmetke laıyq ekenіn jazǵan.
«Mіne, adamdarǵa kórsetіlgen naǵyz kómek», – dep pіkіr qaldyrǵan jelі qoldanýshylarynyń bіrі.
Eske salaıyq, sársenbі kúnі Astanada nóser jańbyr jaýyp, qalanyń bіrneshe aýdanyndaǵy kósheler, aýlalar men joldardy sý basqan bolatyn. Jaýyn-shashynnyń kóp túsýіne baılanysty keıbіr ýchaskelerde kólіk qozǵalysy men jaıaý júrgіnshіlerdіń júrýі qıyndady.
Material avtory
