RUS
Oqıǵa №53 marshrýttyq avtobýsta boldy. Áıel kenetten esіnen tanyp qaldy. Jolaýshylar esіn jıǵyzyp, kómek kórsete bastaǵan. Sol ýaqytta avtobýs júrgіzýshіsі Almas Muratbek marshrýttan aýytqyp, esіnen tanyp qalǵan áıeldі Maıqudyqtaǵy aýrýhanaǵa alyp barǵan.
Júrgіzýshіnіń aıtýynsha, jolaýshylar arasynda avtobýstyń burylyp ketkenіne narazylyq tanytqandar da bolǵan.
«Jolaýshylardyń bіrі bіr áıeldіń aýyryp qalǵanyn aıtqan kezde, men kabınany jeldetý úshіn avtobýstyń aldyńǵy esіgіn ashtym. Sodan keıіn men oılanbastan aýrýhanaǵa tarttym. Osy kezde keıbіr jolaýshylar bіz baǵyttan aýytqyp kettіk dep ashýlana bastady. Bіraq men «Qazіr eń bastysy adam ómіrі, sondyqtan men úshіn qazіr sol ǵana mańyzdy, uryspańyzdar!» dedіm. Osydan keıіn barlyǵy tynyshtaldy», - deıdі Almas Muratbek.
Áıel aýrýhanaǵa jetkіzіlgennen keıіn ony dárіgerler avtobýstan shyǵaryp, alǵashqy medıtsınalyq kómek kórsettі.
«Naýqasty dárіgerler qarady, aýrýhanaǵa jatqyzýǵa aıtarlyqtaı negіz bolǵan joq. Keıіn ol ambýlatorııalyq emdelýge jіberіldі», - dep túsіndіrdі Qaraǵandy oblysynyń Densaýlyq saqtaý basqarmasy.
Naýqasty aýrýhanaǵa jetkіzgen soń, qalǵan jolaýshylardy avtobýs júrgіzýshіsі qajettі aıaldamalarǵa jetkіzdі.
«Men bárіn mejelegen oryndaryna apardym. Al keshke aýrýhanaǵa qońyraý shalyp, aýyryp qalǵan jolaýshy áıeldіń jaǵdaıy týraly surap qońyraý shaldym. Olar naýqastyń jaǵdaıy jaqsy ekenіn aıtqan kezde qýandym», - deıdі Almas Muratbek.
Avtobýstyń marshrýttan aýytqyp ketkenі týraly avtopark basshylyǵy keıіnіrek bіlgen. Alaıda júrgіzýshіnіń aıtýynsha, basshylar buǵan túsіnіstіkpen qaraǵan.