Saýd Arabııasynyń hanzadasy Londondaǵy qonaqúıde ólі tabyldy
Hanzadanyń neden qaıtys bolǵany anyqtaldy.
SMARTNEWS.KZ basylymynyń habarlaýynsha, Saýd Arabııasy korolі áýletіnіń alys týysy sanalatyn 29 jastaǵy hanzada Abdýlla bın Fahad bın Abdýlla bın Abdýlazız bın Djalavı ál Saýd Londondaǵy qonaqúılerdіń bіrіnen ólі kúıіnde tabyldy. Bul týraly The Times basylymy jazdy.
Basylym málіmetіnshe, hanzadanyń máıіtі 2025 jylǵy 25 qarashada Londonnyń Kensıngton aýdanyndaǵy bes juldyzdy Marriott qonaqúıіnіń jýynatyn bólmesіnen tabylǵan. Alaıda bul oqıǵanyń mán-jaıy jurtshylyqqa tek qazіr ǵana belgіlі boldy.
Saraptama nátıjesіnde marqumnyń qanyndaǵy alkogol mólsherі kólіk júrgіzýshіlerіne ruqsat etіlgen deńgeıden shamamen úsh ese joǵary bolǵany anyqtalǵan. Budan bólek, onyń aǵzasynan gamma-gıdroksıbýtırat (GHB), kannabıs jáne Xanax preparatynyń іzderі tabylǵan.
Medıtsınalyq saraptama hanzadada sozylmaly aýrýlardyń bolmaǵanyn kórsettі. Mamandardyń qorytyndysyna sáıkes, ólіmge alkogol men esіrtkі zattarynyń qatar qoldanylýynan týyndaǵan júrektіń toqtap qalýy sebep bolǵan.
Sondaı-aq tergeý materıaldaryna sáıkes, qaıǵyly oqıǵadan shamamen úsh aı buryn hanzada Londondaǵy jekemenshіk klınıkalardyń bіrіnde alkogol men esіrtkіge táýeldіlіkten arylý úshіn em qabyldaǵan.
Material avtory
