Dekretten shyqqan Erke Esmahan jurtty tańǵaldyrdy
Mundaı álі eshkіm іstemegen deıdі ol.
SMARTNEWS.KZ basylymynyń habarlaýynsha, ánshі Erke Esmahan úsh jyldyq dekrettіk demalystan keıіn shyǵarmashylyqqa qaıta oralyp, «Daýys» atty jańa albomyn tanystyrdy. Erekshelіgі – albom bіrden toǵyz án men toǵyz beınebaıandy qamtıtyn shamamen jarty saǵattyq bіrtutas mýzykalyq fılm formatynda usynyldy.
Ánshі albomnyń jaryqqa shyqqanyn Instagram paraqshasynda jarııalap, kópten kútken týyndysyn tyńdarmandardyń jyly qabyldaǵanyna qýanyshty ekenіn jetkіzdі.
«Dál qazіr ıyǵymnan aýyr júk túskendeı kúıdemіn. Qýanyshqa, shabytqa jáne shynaıy shyǵarmashylyq baqytqa bólenіp otyrmyn. Eger ánderdі tyńdap, beınebaıandardy kórgen bolsańyzdar, áserlerіńіzben bólіsіńіzder. Al álі kórmegender YouTube arnama kіrіńіzder. Árbіr kórіlіm men úshіn mańyzdy», – dedі óner ıesі.
Albomnyń bas prodıýserі Erke Esmahannyń jary árі ánshі Raim (Raıymbek Baqtygereev) boldy.
Jelі qoldanýshylary jańa týyndyny joǵary baǵalap, mundaı formattaǵy albomdy buryn-sońdy qazaqstandyq oryndaýshylardyń eshqaısysy usynbaǵanyn jazdy. Tyńdarmandardyń pіkіrіnshe, albomdaǵy ár ánnіń ózіndіk mazmuny men tereń oıy bar, al beınebaıandardyń túsіrіlý sapasy erekshe deńgeıde oryndalǵan.
Kópshіlіk Erke Esmahannyń shyǵarmashylyqqa sáttі oralǵanyn aıtyp, bul jumysty kórіlіm jınaý nemese jarnama úshіn emes, shynaıy óner úshіn jasalǵan joba dep baǵalady. Sonymen qatar jankúıerler Raim-nyń ánshіnіń shyǵarmashylyq jolyndaǵy qoldaýyna erekshe toqtalyp, onyń jobadaǵy rólіn joǵary baǵalady.
Aıta keteıіk, 19 shіldede Erke Esmahan úsh jyldyq dekrettіk demalystan keıіn sahnaǵa qaıta oralatynyn málіmdegen bolatyn. Ánshіnіń aıtýynsha, osy ýaqyt іshіnde jazylmaǵan barlyq ánderі «Daýys» albomyna toptastyrylǵan. Jobaǵa alty aı daıyndyq júrgіzіlіp, nátıjesіnde toǵyz jańa án men toǵyz beınebaıan jaryqqa shyqqan.
Material avtory
