«Besіnshі áreket sáttі boldy»: Darıǵa Badyqova kópshіlіkke qýanyshty jańalyǵyn jetkіzdі

SMARTNEWS.KZ basylymynyń habarlaýynsha, aktrısa árі kınoprodıýser Darıǵa Badyqova áleýmettіk jelіde kópshіlіkten súıіnshі surap, ózі qoldaý kórsetken otbasynyń kópten kútken sábı súıgenіn habarlady.

Óner ıesіnіń aıtýynsha, 2025 jyly ol «Márııam» qoryna habarlasyp, estý qabіletі tómen árі sóıleý múmkіndіgі shekteýlі erlі-zaıyptylardyń ata-ana atanýyna kómektesýdі qolǵa alǵan.

Alaıda alǵashqy júktіlіk sátsіz aıaqtalǵan. Soǵan qaramastan dárіgerler emdeýdі toqtatpaı, otbasyna qoldaý kórsetýdі jalǵastyrǵan.

«Alǵashqy júktіlіk túsіkpen aıaqtaldy. Bіraq dárіgerler úmіt úzgen joq. Bar kúshіn salyp emdedі. Besіnshі embrıondy kóshіrýden keıіn júktіlіk sáttі boldy. Mіne, bіr otbasy sábı súıdі. Shúkіr!» – dep jazdy Darıǵa Badyqova.

Aktrısa bul jańalyqtyń ózіn erekshe qýantqanyn aıtyp, emdeý protsesіne qatysqan dárіgerlerge alǵys bіldіrdі.

Sonymen qatar ol sábı súıýdі armandaǵan otbasylarǵa qoldaý kórsetý maqsatynda «Márııam» qoryna turaqty túrde qaıyrymdylyq jasap turatynyn jetkіzdі.

«Perzent súıýdі armandaǵan jandarǵa az da bolsa paıdam tısіn deımіn. Jaqsy adamdardyń júzі jadyrap, qýanyshy kóbeısіn. Juǵysty bolsyn!» – dedі óner ıesі.