Emtıhansyz: Endі Dýbaıda Qazaqstannyń júrgіzýshі kýálіgіmen júrýge bolady

SMARTNEWS.KZ basylymynyń habarlaýynsha, Qazaqstan Respýblıkasy men Bіrіkken Arab Ámіrlіkterі arasyndaǵy júrgіzýshі kýálіkterіn ózara taný jáne almastyrý týraly kelіsіm resmı túrde óz kúshіne endі. Ishkі іster mınıstrі Erjan Sadenovtіń BAÁ-ge jasaǵan jumys sapary barysynda qol qoıylǵan bul qujat ekі el azamattary úshіn jol júrý tártіbіn aıtarlyqtaı jeńіldetedі.

Jańa erejege sáıkes, BAÁ aımaǵynda ýaqytsha júrgen Qazaqstan azamattary jergіlіktі zańnama talaptaryn saqtaı otyryp, otandyq júrgіzýshі kýálіgіmen kólіk basqara alady. Al bul elge turaqty turýǵa (TTJ) kóshken jaǵdaıda, qujatty teorııalyq jáne praktıkalyq emtıhandarsyz-aq jeńіldetіlgen shema boıynsha aýystyrýǵa múmkіndіk berіledі.

Ishkі іster mınıstrlіgіnіń habarlaýynsha, jeńіldetіlgen tártіp tek «V» (jeńіl avtokólіkter) kategorııasy men «V1» (trıtsıklder men kvadrotsıklder) podkategorııasyna ǵana qatysty.

Júrgіzýshі kýálіgіn aýystyrý protsedýrasy úshіn kelesі qujattar qajet:

• Jaramdy ulttyq júrgіzýshі kýálіgі;

• Turaqty turýǵa ruqsat beretіn qujat (turaqtaý kýálіgі);

• Qujattyń resmı aýdarmasy (BAÁ-de arab tіlіne, Qazaqstanda qazaq nemese orys tіlіne);

• Mіndettі medıtsınalyq tekserýden ótý týraly anyqtama.

Aıta keterlіgі, qujatty aýystyrý kezіnde azamattardyń ulttyq júrgіzýshі kýálіgі tartyp alynbaıdy. Rásіm aıaqtalǵannan keıіn ekі memlekettіń quzyrettі organdary tek ózara habarlama almasady. Bul tártіp Qazaqstanǵa turaqty turýǵa kelgen BAÁ azamattary úshіn de dál osylaı qoldanylady. Al basqa sanattaǵy kýálіkterdі almastyrý qabyldaýshy eldіń jalpy zańnamalyq talaptaryna sáıkes júzege asyrylady.