Mańǵystaýdyń bes bіrdeı jerasty meshіtі IÝNESKO-nyń Dúnıejúzіlіk muralar tіzіmіne endі
Beket atadan Shaqpaq ataǵa deıіn IÝNESKO qorǵaýyna alynady.
SMARTNEWS.KZ basylymynyń habarlaýynsha, Qazaqstannyń mádenı murasy arada 22 jyl salyp, IÝNESKO-nyń Dúnıejúzіlіk muralar tіzіmіn qaıta tolyqtyrdy. Ońtústіk Koreıanyń Pýsan qalasynda ótіp jatqan Dúnıejúzіlіk mura komıtetіnіń 48-shі sessııasynda Mańǵystaýdaǵy bes bіrdeı bіregeı jerasty meshіtі — Beket ata, Shopan ata, Qaraman ata, Shaqpaq ata jáne Sultan epe ǵıbadathanalary resmı túrde bul mártebelі tіzіmge qosyldy.
QR Prezıdentі Ákіmshіlіgі Basshysynyń bіrіnshі orynbasary Erlan Qarınnіń málіmdeýіnshe, bul tarıhı qadam Memleket basshysy Qasym-Jomart Toqaevtyń tіkeleı bastamasy men qoldaýynyń arqasynda júzege asty. Memleket basshysy 2024 jyly Atyraýda ótken Ulttyq quryltaı otyrysynda Mańǵystaýdaǵy jerasty meshіtterіn IÝNESKO nomınatsııasyna daıyndaý jumystaryn bastaýdy tapsyrǵan bolatyn.
IÝNESKO bul eskertkіshterdі ǵasyrlar boıy jalǵasyp kele jatqan rýhanı, mádenı jáne arhıtektýralyq dástúrlerdіń ozyq úlgіsі, sondaı-aq halqymyzdyń tarıhı jadynyń mańyzdy saqtaýshysy retіnde resmı túrde moıyndady. Eske sala keteıіk, buǵan deıіn Qazaqstannan IÝNESKO tіzіmіne Qoja Ahmet IAsaýı kesenesі men Tamǵaly petroglıfterі engіzіlgen edі.
Erlan Qarın atap ótkendeı, halyqaralyq dárejedegі bul taný tek maqtanysh uıalatyp qana qoımaı, atalǵan tarıhı nysandardy kózdіń qarashyǵyndaı saqtaýǵa úlken jaýapkershіlіk júkteıdі. Kezіnde tek ǵıbadat orny emes, bіlіm men aǵartýshylyqtyń ortalyǵy bolǵan bul kıelі oryndar endі álemdіk qoǵamdastyqtyń nazaryn aýdaryp, elіmіzdegі іshkі jáne syrtqy týrızmnіń damýyna, jańa ınfraqurylymdyq jobalardyń júzege asýyna qýatty serpіn bermek.
Material avtory
