Baızaqtaǵy soraqylyq: Jetіm stýdentterge tıesіlі kıіm men jolaqy berіlmeı kelgen
Bіlіm berý mekemesі zańmen bekіtіlgenіne qaramastan stýdentterge kanıkýlǵa joldama bermeı, jolaqysy men táýlіktіk tólemderіn tólemegen.
SMARTNEWS.KZ basylymynyń habarlaýynsha, Jambyl oblysynda jetіm jáne ata-anasynyń qamqorlyǵynsyz qalǵan stýdentterdіń quqyqtary óreskel buzylǵany anyqtaldy. Tіptі zańmen bekіtіlgen áleýmettіk kepіldіkter berіlmeı, jastar kıіm-kesheksіz jáne jolaqysyz qalǵan.
QR Bas prokýratýrasynyń baspasóz qyzmetі taratqan málіmetke súıensek, prokýrorlyq taldaý barysynda Jambyl oblysyndaǵy №3 Baızaq kolledjіnde zań buzýshylyqtar áshkerelendі. Atap aıtqanda, jetіm jáne ata-anasynyń qamqorlyǵynsyz qalǵan jetі stýdentke, sondaı-aq múmkіndіgі shekteýlі (múgedektіgі bar) bіr stýdentke zańda qarastyrylǵan tıіstі áleýmettіk kómekter kórsetіlmegen.
«Atap aıtqanda, atalǵan stýdentterge demalys kezeńіnde demalys joldamalary berіlmegen, jol júrý shyǵyndary men táýlіktіk tólemderі ótelmegen, kıіm-keshekpen qamtamasyz etіlmegen, sondaı-aq ekі aılyq eseptіk kórsetkіsh (AEK) mólsherіndegі bіrjolǵy áleýmettіk kómek tólenbegen», — dep habarlady qadaǵalaýshy organ.
Anyqtalǵan zań buzýshylyqtar boıynsha prokýratýra tarapynan kolledj basshylyǵynyń atyna prokýrorlyq qadaǵalaý aktіsі engіzіldі. Qujatty qaraý qorytyndysy boıynsha barlyq kemshіlіkter tolyǵymen joıylyp, stýdentterdіń zańdy quqyqtary qaıta qalpyna keltіrіldі.
Material avtory
