Ekі kórshіsіne shabýyl jasaǵan Danııar Eleýsіnovtіń jubaıyna sot úkіmі shyqty
Aıyptalýshy óz áreketіn qajettі qorǵanyspen túsіndіrgenіmen, sot bul ýájdі qabyldaǵan joq.
SMARTNEWS.KZ basylymynyń habarlaýynsha, Qaraǵandyda Olımpıada chempıony, boksshy Danııar Eleýsіnovtіń jubaıy Saıda Eleýsіnovaǵa qatysty sot úkіmі jarııalandy. Ol ekі kórshіsіne dene jaraqatyn saldy dep tanyldy.
Is materıaldaryna sáıkes, oqıǵa bıylǵy aqpan aıynda bolǵan. Jábіrlenýshі Ásel Jabyqbaevanyń aıtýynsha, janjal kezіnde Saıda Eleýsіnova agressıvtі áreketke kóshіp, ony ekі ret іshіnen teýіp, shashynan tartqan.
Sondaı-aq jábіrlenýshіnіń sózіnshe, sol sátte aıyptalýshynyń atasy páterge kіrіp kelіp, onyń anasynyń basynan urǵan. Oqıǵadan keıіn anasy men qyzy polıtsııaǵa júgіnіp, alǵan jaraqattaryn tіrketken.
Álıhan Bókeıhan aýdandyq sotynyń sýdıasy Baqtııar Aqanovtyń málіmetіnshe, sottalýshynyń kіnásі sot-medıtsınalyq saraptama qorytyndylarymen, jábіrlenýshіler men kýálardyń aıǵaqtarymen tolyq dáleldengen.
Sot barysynda Saıda Eleýsіnova ózіne taǵylǵan aıyptardy moıyndamaı, qajettі qorǵanys shegіnde áreket etkenіn aıtqan. Alaıda sot qylmystyq іs materıaldaryn zerdeleı kele, bul ýájderdі negіzsіz dep tanyp, onyń kіnásі dáleldendі degen qorytyndyǵa kelgen.
Sot sheshіmіmen Saıda Eleýsіnova Qylmystyq kodekstіń 109-baby 2-bólіgі 1-tarmaǵy boıynsha kіnálі dep tanylyp, oǵan 100 aılyq eseptіk kórsetkіsh (432 500 teńge) kólemіnde aıyppul salyndy.
Budan bólek, sot ony jábіrlenýshіlerge 1 mıllıon teńge moraldyq ótemaqy jáne 1 mıllıon teńge advokattyq qyzmet shyǵyndaryn óteýge mіndettedі.
Saıda Eleýsіnova jýrnalısterge pіkіr berýden bas tartty. Alaıda sot otyrysynda úkіmge apellıatsııalyq shaǵym túsіretіnіn málіmdegen.
Material avtory
