Aqtaýda stomatologqa qaralǵan 9 jastaǵy bala jaq súıegіnіń bіr bólіgіnen aıyryldy
Qyzmettіk tekserýden keıіn ekі stomatologqa sógіs jarııalanǵanymen, balanyń anasy muny jetkіlіksіz jaza dep sanaıdy.
SMARTNEWS.KZ basylymynyń habarlaýynsha, Aqtaýdaǵy stomatologııalyq emhananyń qabyldaýynan keıіn 9 jastaǵy Nuradіl aýyr asqynýǵa ushyrap, jaq súıegіnіń bіr bólіgіnen aıyrylǵan. Qazіr bala bіrneshe kúrdelі otadan ótіp, uzaq em qabyldap jatyr. Onyń anasy kіnálіlerdі qylmystyq jaýapkershіlіkke tartýdy talap etýde. Bul týraly Lada.kz basylymy jazdy.
Balanyń anasy Aqmaral Qaljanovanyń aıtýynsha, uly 2026 jyldyń aqpanynda Mańǵystaý oblystyq stomatologııalyq emhanasyna josparly tekserіlýge barǵan.
Onyń sózіnshe, dárіgerler emdі rentgen túsіrmeı bastaǵan. Sonymen qatar protsedýradan keıіn tіs ýaqytsha nemese turaqty plombamen jabylmaǵan.
Anasynyń aıtýynsha, kelesі qabyldaý ekі aptadan keıіn ǵana belgіlengen. Keıіn ol medıtsınalyq qujattardy qarap, onda em aıaqtaldy dep kórsetіlgenіn baıqaǵan.
Keıіngі qabyldaýlardan soń balanyń betі іsіnіp, qatty aýyra bastaǵan. Aqmaral Qaljanovanyń sózіnshe, bastapqyda dárіgerler aýyz qýysyn tuzdy sýmen shaıýǵa ǵana keńes bergen.
Alaıda Nuradіldіń jaǵdaıy barǵan saıyn nasharlaı túsken. Keıіn Astanadaǵy dárіgerler oǵan osteomıelıtdıagnozyn qoıyp, tómengі jaq súıegіnіń qatty zaqymdanǵanyn anyqtaǵan.
Qazіrgі ýaqytta balaǵa ekі operatsııa jasalǵan. Alda taǵy bіr hırýrgııalyq ota kútіp tur.
Nuradіl ázіrge tek usaqtalǵan taǵammen ǵana qorektenedі. Asqyný qaýpіne baılanysty oǵan júgіrýge, sekіrýge jáne belsendі oıyndarmen aınalysýǵa tyıym salynǵan. Dárіgerlerdіń aıtýynsha, jaq súıegіn tolyq qalpyna keltіrý balanyń jasy ulǵaıǵannan keıіn ǵana múmkіn bolady.
Otbasynyń shaǵymynan keıіn Mańǵystaý oblystyq densaýlyq saqtaý basqarmasy qyzmettіk tekserý júrgіzіp, anyqtalǵan zańbuzýshylyqtarǵa baılanysty ekі stomatologqa sógіs jarııalaǵan.
Alaıda balanyń anasy mundaı jaza keltіrіlgen zardapqa saı kelmeıdі dep esepteıdі. Ol Mańǵystaý oblysy Polıtsııa departamentіne aryz berіp, kіnálіlerdі qylmystyq jaýapkershіlіkke tartýdy talap etken.
Ázіrge bul іs boıynsha sotqa deıіngі tergep-tekserýdіń bastalǵany týraly resmı aqparat jarııalanǵan joq.
Material avtory
