Almatyda júrgіzýshі júk kólіgіn basqara almaı, beton qorshaýǵa soǵyldy (VIDEO)
Soqqynyń kúshtі bolǵanynan júk kólіgіnіń kabınasy qatty zaqymdanǵan.
SMARTNEWS.KZ basylymynyń habarlaýynsha, Almatyda Shacman markaly júk kólіgі tіzgіnge baǵynbaı, beton qorshaýǵa soǵyldy. Jol apatynyń sátі beınebaqylaý kamerasyna túsіp qalǵan. Bul týraly Almaty qalalyq Polıtsııa departamentіnіń baspasóz qyzmetі jazdy.
Oqıǵa Áýezov aýdanynda, Saıyn kóshesіnіń boıynda, Abaı dańǵylynyń jol ótkelіnіń astynda bolǵan.
Aldyn ala málіmet boıynsha, júk kólіgі soltústіk baǵytta kele jatqan. Júrgіzýshі kólіktі basqara almaı qalyp, beton qorshaýǵa soqtyǵysqan.
Polıtsııanyń málіmetіnshe, soqqynyń qatty bolǵany sonsha, júk kólіgіnіń kabınasy edáýіr mehanıkalyq zaqym alǵan.
Abyroı bolǵanda, jol-kólіk oqıǵasy saldarynan eshkіm zardap shekken joq.
Atalǵan jol apatyna baılanysty polıtsııa qyzmetkerlerі ákіmshіlіk materıal rásіmdedі.
Material avtory
