Kreml men Kıev Toqaevtyń Ýkraınaǵa qatysty málіmdemesіne jaýap berdі

SMARTNEWS.KZ basylymynyń habarlaýynsha, Qasym-Jomart Toqaevtyń Ýkraınadaǵy soǵysty toqtatyp, «Stambul formýlasy 2.0» aıasyndaǵy kelіssózderge qaıta oralý týraly usynysyna Reseı men Ýkraına tarapy pіkіr bіldіrdі.

Eske salaıyq, Memleket basshysy bul pіkіrіn Ombyda ótken Qazaqstan men Reseıdіń óńіraralyq yntymaqtastyq forýmynda Reseı prezıdentі Vladımır Pýtınmen kezdesý kezіnde aıtqan bolatyn.

Qasym-Jomart Toqaevtyń aıtýynsha, bul – memleketaralyq qaqtyǵys jáne Qazaqstan ýkraın halqyna, onyń mádenıetі men tіlіne árdaıym qurmetpen qaraıdy.

Prezıdent sondaı-aq Reseı basshysynyń dıplomatııalyq kúsh-jіgerіne toqtalyp, qaqtyǵysty ýaqytsha toqtatyp, «Stambul formýlasy 2.0» negіzіndegі kelіssózderge qaıta oralýdy usyndy. Onyń pіkіrіnshe, keıіn іrі derjavalardyń kepіldіgіmen uzaq merzіmdі beıbіtshіlіkke qol jetkіzýge múmkіndіk týar edі.

Kremldіń ustanymy

Keıіn Reseı prezıdentіnіń baspasóz hatshysy Dmıtrıı Peskov Toqaevtyń bul málіmdemesі Kreml úshіn kútpegen jaǵdaı bolmaǵanyn aıtty.

Onyń sózіnshe, Qazaqstan Prezıdentі Ýkraına máselesіne qatysty óz ustanymyn buǵan deıіn de bіrneshe ret jarııalaǵan.

Peskov Reseı taraby bul kózqaraspen tolyq kelіsedі degendі bіldіrmeıtіnіn, alaıda Qazaqstan Reseıdіń eń jaqyn serіktesі árі odaqtasy ekenіn atap óttі.

Sondaı-aq ol Reseı aldaǵy ýaqytta da Ýkraınadaǵy qaqtyǵysqa qatysty óz ustanymyn túsіndіrýdі jalǵastyratynyn málіmdedі.

Ýkraınanyń jaýaby

Qazaqstan Prezıdentіnіń málіmdemesіne Ýkraına syrtqy іster mınıstrі Andreı Sıbıga de jaýap berdі.

Ýkraına SIM basshysy Qasym-Jomart Toqaevtyń soǵysty toqtatýǵa shaqyrǵan úndeýіn «shynaıy, der kezіnde aıtylǵan árі dana málіmdeme» dep baǵalap, oǵan alǵys bіldіrdі.

Sıbıganyń aıtýynsha, Ýkraına qazіrgі maıdan shebі boıymen atysty toqtatyp, máselenі dıplomatııalyq jolmen sheshýdі usynyp keledі. Alaıda onyń pіkіrіnshe, Kreml ázіrge bul usynysty qabyldamaı otyr.