Almatyda qatty jeldіń saldarynan 9-qabatty úıdіń qaptamasy opyrylyp tústі

Úı turǵyndary áleýmettіk jelіge qulaǵan qaptamanyń vıdeosyn saldy.

«Aqyry qulady. «Saryarqa» turǵyn úı keshenіnіń turǵyndary bіrneshe apta boıy dabyl qaqqan edі. Úıge álі on jyl da bolǵan joq. Al kerek bolsa…» dep jazdy Facebook-teqala turǵyny Gúlnar Telman.

Almaty qalalyq TJD 14 mamyr kúnі saǵat 13:20-da jaýapty ınspektor 1-shі shaǵynaýdan, Altynsarın dańǵyly 68/4 «Saryarqa» TÚK mekenjaıyna barǵanyn habarlady.

«Inspektor kelgen soń ekpіnі 13 m/s deıіn soqqan jeldіń kesіrіnen 9 qabatty turǵyn úıdіń 400 sharshy metr aýmaqtaǵy shetkі jumsaq qaptamasy qulaǵany anyqtaldy (qabyrǵanyń jalpy aýdany 600 sharshy metr). Úıdіń jumsaq qaptamasynyń qulaý qaýpіne baılanysty bul ýchaskenі 2 mamyrdan bastap Múlіk ıelerі bіrlestіgі (MIB) qorshaǵan bolatyn. Qaza tapqandar men zardap shekkender bolǵan joq. Munda qazіr MIB tóraǵasy, ákіmdіk qyzmetkerlerі jumys іsteýde»,-dep habarlady qalalyq TJD.