Ekіbastuzda qoqys arasynan bólshektelgen áıel máıіtі tabyldy
Qoqys tastaıtyn orynnan tabylǵan qaptardyń іshіnde azaptap óptіrіlgen áıeldіń denesі bolǵan.
SMARTNEWS.KZ basylymynyń habarlaýynsha, Ekіbastuzdaǵy Áýezov kóshesі, 24-úıdіń aýlasyndaǵy qoqys jáshіgіnen qapqa salynǵan áıel adamnyń bólshektelgen denesі tabyldy. Jelіde taraǵan sumdyq aqparatty quqyq qorǵaý organdary resmı túrde rastady.
Pavlodar oblystyq Polıtsııa departamentі ókіlderіnіń habarlaýynsha, kіsі óltіrý deregі boıynsha bіrden qylmystyq іs qozǵalǵan. Osy sumdyq qylmysqa kúdіktі retіnde bіr adam qolǵa túsіp, ýaqytsha ustaý ızolıatoryna oqshaýlandy.
Qazіrgі ýaqytta oqıǵanyń mán-jaıy men qandy qylmystyń jasalý sebepterі anyqtalyp jatyr. Qazaqstan Respýblıkasy Qylmystyq-protsestіk kodeksіnіń 201-babyna sáıkes, tergeý múddesіne baılanysty ózge de egjeı-tegjeılі aqparat jarııalaýǵa jatpaıdy.
Material avtory
