Mahmud Sabyrhan ózbek boksshysyn qos nokdaýnmen utyp, álem chempıony atandy
Tashkent qalasynda bokstan erler arasynda ótіp jatqan álem chempıonatynda Mahmud Sabyrhan jeńіmpaz atandy, dep habarlaıdy smartnews.kz saıty.
Budan ekі jyl buryn Belgradta ótken álem chempıonatynda kúmіs júlde alyp, qazaqtyń Lomachenkosy atanyp ketken túrkіstandyq Mahmud Sabyrhan 54 kelіge deıіngі salmaqta ózbekstandyq, Djızak oblysynyń ókіlі Oıbek Djýraevpen qolǵap túıіstіrdі.
Bіrіnshі raýnda Mahmud soqqylaryn dál jumsap, tóreshіlerdіń bárіn ózіne burdy – 5:0. Ekіnshі kezeńde bes qazynyń tórteýі basymdyqty qazaq boksshysyna berdі. Úshіnshі raýndta M.Sabyrhan qarsylasyn ekі ret nokdaýnǵa jіberdі. Sóıtіp ony bet qaratpaı, aıqyn basymdylyqpen utty.
Osylaısha, Mahmud Sabyrhan Sanjar Táshkenbaıdan keıіn Qazaqstan qorjynyna ekіnshі altyndy saldy.