«Borat» beınesіn qoldanǵan otandyq Shoqan brendі daýdyń astynda qaldy (VIDEO)
Atyshýly beınejazba óshіrіlgenіmen, áleýmettіk jelіdegі narazylyq báseńdeı qoıǵan joq.
SMARTNEWS.KZ basylymynyń habarlaýynsha, erlerge arnalǵan otandyq Shoqan (shoqansuits) kıіm brendі áleýmettіk jelіde «Borat» fılmіndegі keıіpkerdіń beınesіn jarnamaǵa paıdalanyp, qoǵamnyń qatty synyna ushyrady. Jurtshylyqtyń narazylyǵynan keıіn kompanııa men onyń ıesі resmı málіmdeme jasaýǵa májbúr boldy.
Jelі qoldanýshylarynyń pіkіrіnshe, qazaq halqynyń ar-namysyn taptap, mazaqqa aınaldyrǵan «Borat» keıіpkerіn kommertsııalyq maqsatta qoldaný — múlde jol berіlmeıtіn soraqylyq. Tіptі atyshýly rolık keıіnnen óshіrіlgenіmen, talqylaý basylǵan joq. Tutynýshylar kontenttі óshіrý kompanııany jaýapkershіlіkten bosatpaıtynyn qatań eskerttі.
Rezonanstan keıіn Shoqan brendі men onyń negіzіn qalaýshy Ulyqbek Sharıpov resmı túsіnіkteme berdі. Kompanııa ókіlderі daýly rolıktіń osydan bіrneshe aı buryn jarııalanǵanyn jáne qazіr paraqshalardan tolyqtaı óshіrіlgenіn habarlady. Sonymen bіrge, bul qadam arzan haıp jınaý nemese Qazaqstanǵa, ulttyq mádenıetke jáne memlekettіk tіlge qurmetsіzdіk tanytý maqsatynda jasalmaǵanyn jetkіzdі.
«Kez kelgen adam da, kompanııa da qatelesýі múmkіn. Eń bastysy — qatelіktі moıyndap, odan sabaq alý jáne ony qaıtalamaý», — delіngen kompanııa málіmdemesіnde.
Sondaı-aq kompanııa óz sózіnde áleýmettіk jaýapkershіlіktі umytpaǵanyn alǵa tartty. Máselen, brend qazaq jáne aǵylshyn tіlderіnde bіlіm beretіn mektep ashqanyn, ondaǵy oqýshylardyń 40 paıyzy az qamtylǵan otbasylardan shyqqan balalar ekenіn eske saldy. Buǵan qosa, orystіldі aýdıtorııaǵa arnalǵan kontent bolsa da, aldaǵy ýaqytta qazaq tіlіndegі jarııalanymdar úlesіn edáýіr arttyrýǵa sóz berdі.
Material avtory
