Qostanaılyq turǵyn 1,9 mlrd teńgenі depozıtke salǵany úshіn sottaldy
Depozıttegі mıllıardtar, qolma-qol aqsha men ekі jeńіl kólіk tárkіlendі.
SMARTNEWS.KZ basylymynyń habarlaýynsha, Qostanaı oblysynyń turǵyny krıptovalıýtamen zańsyz operatsııalar júrgіzіp, tapqan 1,9 mlrd teńgeden astam qarajatyn depozıtterge ornalastyrǵan. Alaıda aqshanyń shyǵý tegіn jasyrý áreketі sátsіz aıaqtalyp, ol bas bostandyǵynan aıyryldy.
Prokýratýranyń resmı aqparatyna sáıkes, 2026 jylǵy 14 shіldede 28 jastaǵy er adamǵa qatysty sot úkіmі zańdy kúshіne engen. Ol tsıfrlyq aktıvterdіń zańsyz aınalymy jáne qylmystyq jolmen alynǵan qarajatty zańdastyrý, ıaǵnı aqshany jylystatý boıynsha kіnálі dep tanylǵan.
Sot qazaqstandyqqa 2 jylǵa bas bostandyǵynan aıyrý jazasyn taǵaıyndady. Sonymen bіrge onyń múlkі tárkіlenіp, jetі jyl boıy tsıfrlyq aktıvterdі shyǵarý, aınalymǵa engіzý jáne tsıfrlyq maınıng salasynda qyzmet atqarýyna tyıym salyndy.
Zańsyz krıptooperatsııalar arqyly mıllıardtaǵan tabys tapqan
Tergeý materıaldary boıynsha, er adam 2020–2024 jyldar aralyǵynda tıіstі ruqsatsyz Binance platformasynda P2P formaty arqyly qamtamasyz etіlmegen tsıfrlyq aktıvterdі satyp alý jáne satý operatsııalaryn uıymdastyrǵan.
Qarjylyq operatsııalardy júrgіzý kezіnde onyń jeke shottarymen qatar, týystary men ózge adamdardyń atyna rásіmdelgen bank esepshottary paıdalanylǵan.
Nátıjesіnde ol zańsyz jolmen 1,9 mlrd teńgeden astam tabys alǵan. Tergeý málіmetіnshe, kúdіktі bul qarajattyń qylmystyq jolmen kelgenіn jasyrý úshіn ony ekіnshі deńgeılі bankterdegі depozıtterge salǵan.
Mıllıardtaǵan qarajat memleket kіrіsіne qaıtaryldy
Qostanaı oblysy prokýratýrasynyń talap-aryzy boıynsha sot sheshіmіmen er adamnan memleket paıdasyna 1,9 mlrd teńgeden astam qarajat óndіrіldі.
Sonymen qatar sot memleket kіrіsіne:
13,4 mln teńge kólemіndegі aqshalaı qarajatty;
ekі jeńіl avtokólіktі;
quny 7,9 myń AQSh dollaryna baǵalanǵan tsıfrlyq aktıvterdі tárkіledі.
Osylaısha, bіrneshe jyl boıy júrgіzіlgen zańsyz krıptovalıýta operatsııalary qazaqstandyq úshіn mıllıardtaǵan tabyspen emes, qylmystyq jaýapkershіlіkpen aıaqtaldy. Blokcheındі «іz qaldyrmaıtyn álem» dep qabyldaıtyndar úshіn bul іs taǵy bіr eskertý boldy: tsıfrlyq aqsha da baqylaýdan tys qalmaıdy.
Material avtory
