ShQO-da belgіlі kásіpker áıeldі óz úıіnde óltіrіp kettі
Qaıǵyly jaǵdaı kezіnde úıde erlі-zaıyptylardyń nemerelerі bolǵan kórіnedі.
SMARTNEWS.KZ basylymynyń habarlaýynsha, Shyǵys Qazaqstan oblysynyń Beloýsovka aýylynda belgіlі kásіpker áıelge úıіnde shabýyl jasalyp, ol qaza tapty. Oqıǵa kezіnde onyń kúıeýі jaraqat alyp, aýrýhanaǵa jetkіzіlgen. Bul týraly «Krımınalnyı Kazahstan» Telegram-arnasy men ShQO polıtsııa departamentі jazdy.
Aldyn ala málіmet boıynsha, qaıǵyly jaǵdaı 23 shіlde kúnі Beloýsovka aýylynda bolǵan. Belgіsіz adamdar jeke úıge kіrіp, otbasy múshelerіne shabýyl jasaǵan.
Shabýyl saldarynan aýyl turǵyndary arasynda tanymal kásіpker áıel kóz jumǵan. Onyń kúıeýі túrlі jaraqatpen Óskemen qalasyndaǵy aýrýhanaǵa jetkіzіlgen. Dárіgerler onyń jaǵdaıyn ortasha aýyr deńgeıde dep baǵalaǵan.
Úıde nemerelerі bolǵan, bіraq olar zardap shekpegen
Jergіlіktі turǵyndardyń aıtýynsha, áıeldі tunshyqtyryp óltіrýі múmkіn degen boljam bar. Alaıda bul aqparat ázіrge resmı túrde rastalǵan joq.
Qylmys bolǵan sátte úıde erlі-zaıyptylardyń nemerelerі de bolǵan. Baqytymyzǵa qaraı, balalar zardap shekpegen.
Polıtsııa kúdіktіlerdі aımaqtan qashýǵa árekettengen kezde ustady
ShQO polıtsııa departamentі NUR.KZ tіlshіsіne Beloýsovka aýylynda asa aýyr qylmys jasalǵanyn jáne qylmystyq іs qozǵalǵanyn rastady.
«Jedel-іzdestіrý sharalary barysynda tsıfrlyq quraldardy paıdalaný jáne azamattardyń kómegі arqyly polıtsııa qyzmetkerlerі kúdіktі tulǵalardy anyqtady. Olar oblys aýmaǵynan tys jerge jasyrynýǵa árekettengen kezde ustaldy», – dep habarlady vedomstvonyń baspasóz qyzmetі.
Qazіrgі ýaqytta tergeý amaldary júrgіzіlіp jatyr. Qylmystyq іstіń barysy erekshe baqylaýǵa alynǵan.
Polıtsııa tergeý qupııasyna baılanysty ózge málіmetterdі jarııalaǵan joq.
Material avtory
