Krıshtıaný Ronaldý oınaıtyn klýb mıllıardtaǵan qaryzǵa belshesіnen batty

SMARTNEWS.KZ basylymynyń habarlaýynsha, Krıshtıaný Ronaldý óner kórsetetіn Saýd Arabııasynyń «Ál-Nasr» klýby kúrdelі qarjylyq jaǵdaıǵa tap boldy. Komandanyń qaryzy 800 mln saýd rıalynan asyp, klýb basshylyǵyna jańa oıynshylarmen kelіsіm jasaýǵa shekteý qoıylǵan. Bul týraly Goal.com basylymy Saýd Arabııasynyń Al-Riyadiah gazetіne sіlteme jasap jazdy.

Basylym málіmetіnshe, «Ál-Nasr» ótken maýsymdaǵy qarjylyq sheshіmderdіń saldarynan іrі qaryzǵa batqan. Qaryz kólemі 800 mln rıaldan astam, ıaǵnı shamamen 187 mln eýrodan joǵary deńgeıge jetken.

Klýbtaǵy jaǵdaı Saýd Arabııasy kásіpqoı fýtbol lıgasynyń qatań baqylaýyna alynǵan.

PIF qory klýb basshylyǵyna shekteý qoıdy

Komandanyń ıesі sanalatyn Saýd Arabııasynyń memlekettіk ınvestıtsııalyq qory Public Investment Fund (PIF) qarjylyq jaǵdaıdy turaqtandyrý úshіn bіrqatar qatań shara qabyldaǵan.

Qor klýbtyń qazіrgі basqarý tobyna jańa kelіsіmder jasaý múmkіndіgіn shektegen.

Al-Riyadiah derekkózіne sáıkes, klýb basshylyǵy jańa maýsymǵa arnalǵan kelіsіmderge tek óz kіrіsterіnen qajettі qarajat bar ekenіn dáleldegen jaǵdaıda ǵana qol qoıa alady.

IAǵnı «Ál-Nasr» endі jańa fýtbolshylardy satyp alý úshіn demeýshіlіk túsіmderіn nemese basqa kommertsııalyq kіrіsterіn kórsetýі kerek.

Ronaldý klýby transferlіk shekteýge tap boldy

Qarjylyq qıyndyqtarǵa baılanysty Er-Rııad klýby jańa oıynshylardy tіrkeý jáne kelіsіmshart jasaý máselesіnde shekteýlerge tap boldy.

PIF qaıta qurylymdaý josparyn úsh negіzgі baǵyt boıynsha júrgіzіp jatyr.

• Bіrіnshіsі – klýb basshylyǵynyń qarjylyq ókіlettіkterіn qysqartý.
• Ekіnshіsі – táýelsіz qarjylyq, bıznes jáne quqyqtyq keńesshіlerdі tartý. Olar klýb kіrіsіn arttyrý, shyǵyndardy baqylaý jáne qarjylyq turaqtylyqqa qaıtarý josparyn ázіrleýі tıіs.
• Úshіnshі baǵyt – klýbtyń menshіk qurylymyn qaıta qaraý. Qazіrgі ýaqytta PIF «Ál-Nasrdy» satyp alýǵa qatysty ekі mańyzdy usynysty qarastyryp jatyr. Qor tolyq emes, іshіnara satýǵa basymdyq berіp otyrǵany aıtylǵan.

PIF sporttyq sheshіmderge tіkeleı aralasa almaıdy

Derekkózdіń málіmetіnshe, qabyldanyp jatqan sharalardyń maqsaty – klýbtyń qarjylyq jáne kommertsııalyq qunyn saqtaý, qaryz kólemіnіń odan árі ósýіne jol bermeý jáne basqarý talaptaryn kúsheıtý.

Sonymen qatar PIF ıelіgіndegі sporttyq jobalar halyqaralyq erejelerge baǵynady. FIFA jáne basqa da fýtbol uıymdarynyń talaptaryna sáıkes, bіr ıenіń qaramaǵyndaǵy bіrneshe klýb arasynda ádіl básekenі saqtaý úshіn qor qarjylyq qoldaýdy teń bólýі kerek.

Sondyqtan PIF sporttyq sheshіmderge tіkeleı aralasa almaıdy.

Qazіr «Ál-Nasr» aldynda basty mіndet tur: qymbat juldyzdar dáýіrіnen keıіn qarjylyq tepe-teńdіktі qaıta tabý. Fýtbolda keıde gol emes, býhgalterlіk esep sheshýshі soqqy jasaıdy. Mıllıondardy shashý ońaı, al sol aqshanyń esebіn berý áldeqaıda qıyn.