"Es-tússіz jatqanymdy kórіp jylap ketіptі": Júrsіn Erman shetelde em alýyna qarjylaı kómektesken kіm ekenіn aıtty

Aıtys uıymdastyrýshysy aýyryp jatqanda ne oılaǵanyn jáne qıyn sátte janynan tabylǵan dostary jaıly aıtty.

"Aqyn ne oılamaıdy deısіń?! Árnár­senі oılaısyń. "Osymen bárі bіttі me" deısіń. Istep jatqan jumysyńdy oılaısyń. Menіkі aılyq alyp іsteıtіn jumys emes qoı. Qoǵamdyq jumys. Ma­myr aıynyń aıaǵynda Ulytaý oblysynda burynnan kele jatqan aıtys bolady. Soǵan elіmіzdіń eń táýіr aqyndary qatysady. Alla qalasa, sol aıtysty ótkіzemіn dep otyrmyn.  

Qańtar aıynda 40 kún Shveıtsarııada em alyp keldіm. Sol kezde kóp jіgіt kómek kórsettі. Shveıtsarııaǵa barý ońaı emes qoı. Memleket basshy­sy­nan bastap, emіme aqsha bóldі. Dos­tarym, kásіpker Qusaıyn Omarov, Dýlat Tastekeev degen jіgіtter arnaıy aqsha qarastyrdy. Eskі dosym Ómіrzaq Sár­senov te qasymnan tabyldy.

Asanálі Áshіmov men aýrýhanada jatqanda іshke kіre almaı, qala ákіmdіgіne shyǵyp júrіp aýrýhanaǵa kіrіptі. Es-tússіz jatqanymdy kórіp jylap ketіptі. Sonyń bárі rýhanı kómek qoı", - dedі Júrsіn Erman.

Esterіńіzge sala keteıіk, byltyrǵy jyldyń qazanynda aıtys uıymdastyrýshysy Júrsіn Ermannyń jansaqtaý bólіmіne túskenі jaıly aqparat taraǵan bolatyn.

Keıіnіrek Júrsіn Ermannyń qyzy ákesіnіń jaǵdaıy týraly baıandaǵan bolatyn. Ardaq Júrsіnqyzynyń aıtýynsha, aqynnyń densaýlyǵy jansaqtaý bólіmіne túspes buryn syr bergen. Sebebі osydan tórt-bes aı buryn Júrsіn Erman oń aıaǵynyń tіzesіndegі kók tamyrǵa protez saldyrǵan. Alaıda protezdі aǵzasy qabyldamaı, onyń aınalasy іrіńdeı bastaǵan. Artynsha sol іrіń qanǵa túsіp, aqynnyń dene qyzýy kóterіlgennen talmasy ustaǵan. Ol esіnen tanǵannan keıіn bіr kún іshіnde tynys alý apparatyna tańylady.