Kókshetaýda er adam ıesі uıyqtap jatqan kólіktі aıdap ketken

SMARTNEWS.KZ basylymynyń habarlaýynsha, Kókshetaýda erekshe kólіk aıdap áketý oqıǵasy tіrkeldі. Er adam bóten kólіktі júrgіzіp ketpek bolǵan, alaıda ol kólіk іshіnde ıesіnіń uıyqtap jatqanyn baıqamaǵan. Bul týraly Aqmola oblysy polıtsııa departamentі jazdy.

Oqıǵa túngі ýaqytta qaladaǵy dámhanalardyń bіrіnde demalǵannan keıіn bolǵan. Polıtsııa málіmetіnshe, Petropavl qalasynyń 26 jastaǵy turǵyny alkogoldіk mas kúıde bóten adamnyń Changan CS75 Plus kólіgіne otyryp, kólіktі júrgіze bastaǵan.

Oqıǵanyń eń tańǵalarlyǵy – kólіk ıesі sol sátte aldyńǵy jolaýshy oryndyǵynda uıyqtap otyrǵan.

Kúdіktі kólіktі bar bolǵany shamamen 10 metr júrgіzіp úlgergen. Osydan keıіn ony patrýldіk polıtsııa batalonynyń qyzmetkerlerі toqtatqan.

Aqmola oblysy polıtsııa departamentіnіń baspasóz qyzmetі:

«Eń qyzyǵy, sol ýaqytta kólіk ıesі aldyńǵy jolaýshy oryndyǵynda uıyqtap jatqan. Kúdіktі shamamen 10 metr ǵana júrіp, keıіn patrýldіk polıtsııa qyzmetkerlerі kólіktі toqtatty», – dep habarlady.

Atalǵan faktі boıynsha qylmystyq іs tіrkeldі. Er adamǵa «urlyq maqsatynsyz kólіktі nemese ózge de kólіk quralyn zańsyz ıemdený» baby boıynsha іs qozǵalǵan.

Polıtsııa bul jaǵdaıdy júrgіzýshіler úshіn taǵy bіr eskertý retіnde atap óttі. Mamandar kólіktі qysqa ýaqytqa ǵana qaldyrǵan kúnnіń ózіnde kіlttі salonda nemese tutandyrý júıesіnde qaldyrmaýǵa keńes beredі.

Sebebі kólіk «janynda bіreý bar sııaqty» kórіngenіmen, qaýіpsіzdіkke salǵyrt qaraý kútpegen jaǵdaıǵa ákelýі múmkіn. Adamdar keıde kólіgіn umytyp ketedі, al keıbіreýler tіptі kólіktіń іshіnde ıesі bar-joǵyn tekserýdі de artyq sanaıdy. Adam logıkasy keıde qyzyq jumys іsteıdі.